Yoshwa 22:34 - Livulu lya Shukulu Kalunga

³⁴ Co vanu va Luvena, na Ngande vendekele ngwavo, “Mutula ou unapu vukaleo kuli yetu voshe ngeci Shukulu Kalunga napu Njambi.” Ngecivene, vaulukile lizina lyawo ngwavo, “Vukaleo.”

Yoshwa 22:34 Iomraidhean Croise

Kushangumuka 31:47

Lambani waulukile lizina lyawo Yengale Sahanduta, oloni Yakomba waulukile Ngalende.

Kushangumuka 31:48

Lambani wendekele kuli Yakomba ngwendi, “Ou mutumbo wa mamanya ukewo unapu vukaleo muvuvali vwetu.” Omu mukemwo mutambela uje vaulukile lizina lya Ngalende.

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

Isaya 19:19

Omo simbu ije iketa, kukakala mutula wa Shukulu Kalunga mu lifuti lya Ingito, co na manda ya limanya vakaikundika kuli ikeye ku nginga ya vaka-Ingito mukusingimika Shukulu Kalunga.

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Yoshwa 22:27

oloni ukapwa mutula wa vukaleo akati ketu neni, na akati ka visemwa vije vikaija kulutwe, ngeci tukalemese Shukulu Kalunga kulutwe lwa Mbalaka yendi yakujela na vin̄ombelo vyetu vya kwenyeka, na vin̄ombelo vyetu vya kulitombola. Ngeci kulutwe vatekulwila veni kesi vakendeke kuli vatekulwila vetu ngwavo, ‘Yeni kumwesi na vushwana muli Shukulu Kalunga!’

Yoshwa 24:27

Co ikeye wendekele kuli vanu voshe ngwendi, “Kengeni, limanya eli likapwa vukaleo vwetu, omwo likelyo linazivi majwi oshe aje anendeka Shukulu Kalunga kuli yetu. Ngecivene, likelyo likapwa vukaleo kuli yeni, kutewa mukatengulukila Njambi yeni.”