Yoshwa 22:31 - Livulu lya Shukulu Kalunga

³¹ Co Finehase, muna Elyazale muka-kukombelela, wendekele kuli vakevo ngwendi, “Litangwa lya lelo tunazivuka ngeci kuma Shukulu Kalunga ali amo netu. Omwo kumwamutengulukilile embwe, ngecivene, munamena vanu va Isalele ku cihiso ca Shukulu Kalunga.”

Yoshwa 22:31 Iomraidhean Croise

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

Ezela 7:5

Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Myaso 68:17

Shukulu Kalunga watundile ku Munkinda wa Sinai na matemba endi amangi-mangi a nzili, co wezile ku mutambela wakujela.

Kutuuka 25:8

Vanu vanapande kunjitungila mbalaka yakujela, ngeci njikakale akati kavo.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

1 Kolinte 14:25

viyongola vyavo vyakushweka vikasholoka akujela, co vakatsikama a mavuli nakulemesa Njambi nakulitavela ngwavo, “Mwa vushunga Njambi ali neni kuno!”

Yoshwa 22:30

Omo Finehase muka-kukombelela, na vantwama likumi va mbunga vakevo vene vakulunu va vikota vya vaIsalele va mu kangombe ka yambi vaje vakele amo nendi, vazivile majwi aje vendekele vanu va miyati ya Luvena, na Ngande na litambelo lya Manase wa mu Ngangela, co vavwaelelele manene.

Yoshwa 22:32

Asinoni Finehase muna Elyazale muka-kukombelela, na vantwama vasezele vanu va Luvena, na Ngande mu lifuti lya Ngilyande, co velukile ku Kanana kuli vanu va Isalele, co vatwalele vukaleo kuli vakevo.

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.