Yoshwa 22:25 - Livulu lya Shukulu Kalunga

²⁵ Ikeye watavwile Ndonga ya Yondau kuyipwisa nginga akati ketu neni vanu va Luvena na Ngande. Kumwesi na mutambela muli Shukulu Kalunga.’ Ngecivene, alumo vatekulwila veni vakavindika vatekulwila vetu kulemesa Shukulu Kalunga.

Yoshwa 22:25 Iomraidhean Croise

2 Samwele 20:1

Kuje ku Ngilingale, kwakele munu umo vilinga vyendi vyapwile vyavivi manene, lizina lyendi Shemba muna Mbikile, wa ku muyati wa Mbenjemani, ikeye wembile lupembo nakutambeka ngwendi, “Kutwesi na mutambela muli Ndaviti, co kutwesi na vushwana muli muna Njesi, yeni vanu va Isalele, munu na munu eluke kwimbo lyendi.”

1 Vimyene 12:16

Omo vanu vamwene ngeci mwene kavatolilila, vatambekele ngwavo, “Ndaviti na naanga yendi vatunde! Vikajo vanatulingila? Eni vanalume va Isalele, tuyeni ku membo etu! Mweceleni Lehovowame alimwene!” Ngecivene, vanu va Isalele vamutengulukilile,

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

1 Vimyene 15:30

Eci calingiwile omwo Yelovowame washangumwine vukalu vwa Shukulu Kalunga, Njambi ya Isalele, a vuvi vuje vwalingile, co wavulingisile lalo Isalele.

Nehemiya 2:20

Co njavakumbulwile ngwange, “Njambi wa Mwilu ikeye akatuhyanesa. Yetu tunapu tu vangamba vendi, co tulinakushangumuka kutunga vene. Oloni yeni kumwesi na mutambela nambe moko, nambe amo akumyanukilao muno mu Yelusalema.”

Myaso 16:5

Yove Shukulu Kalunga, yove lika wapwa wange, unjana vyoshe vinjajena, kuyoya kwange kwoshe kuli mu mavoko ove.

Vilinga vya Miluwa 8:21

Yove kuwesi na mutambela nambe mwela mu vipangi vyetu, omwo mbunge yove kuyesi mwamuvwa ku mesho a Njambi.

Yoshwa 22:24

Embwe! Yetu twalingile eci omwo twakele na lyova ngwetu kulutwe vatekulwila veni vakendeka kuli vatekulwila vetu ngwavo, ‘Yeni vikajo mulinga na Shukulu Kalunga Njambi ya vaIsalele?

Yoshwa 22:26

Ngecivene, twatungile mutula, kesi wakwenyekela vin̄ombelo nambe wakukombelela embwe,

Yoshwa 22:27

oloni ukapwa mutula wa vukaleo akati ketu neni, na akati ka visemwa vije vikaija kulutwe, ngeci tukalemese Shukulu Kalunga kulutwe lwa Mbalaka yendi yakujela na vin̄ombelo vyetu vya kwenyeka, na vin̄ombelo vyetu vya kulitombola. Ngeci kulutwe vatekulwila veni kesi vakendeke kuli vatekulwila vetu ngwavo, ‘Yeni kumwesi na vushwana muli Shukulu Kalunga!’

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.