Yoshwa 22:24 - Livulu lya Shukulu Kalunga

²⁴ Embwe! Yetu twalingile eci omwo twakele na lyova ngwetu kulutwe vatekulwila veni vakendeka kuli vatekulwila vetu ngwavo, ‘Yeni vikajo mulinga na Shukulu Kalunga Njambi ya vaIsalele?

Yoshwa 22:24 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

Kushangumuka 30:33

Ngecivene, kulutwe ukawana nga njinapu munu wa kulongwa. Omo ukaija nakunjifweta, co nga ukawana njili na membe ou kesi wakuvalama nambe wamapelenge nambe manga umo kesi wakuzivala, co ukazivuka ngwove napu wakwiva.”

Kutuuka 13:14

Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda.

Kwituluka mu Mashiko 6:20

“Omo vana veni vakamihula ku visimbu vikaija kulutwe ngwavo, ‘Vukaleo, na mashiko, na vilongesa vije vyashikile Shukulu Kalunga Njambi yetu vyanunguluka vati?’

Yoshwa 22:23

Nga kutwononokele Shukulu Kalunga nakulitungila mutula wetu mukukombelelao vin̄ombelo vya kwenyeka nambe vin̄ombelo vya vimbuto, nambe vin̄ombelo vya kulitombola, co eceleni vavenya Shukulu Kalunga atuhise.

Yoshwa 22:25

Ikeye watavwile Ndonga ya Yondau kuyipwisa nginga akati ketu neni vanu va Luvena na Ngande. Kumwesi na mutambela muli Shukulu Kalunga.’ Ngecivene, alumo vatekulwila veni vakavindika vatekulwila vetu kulemesa Shukulu Kalunga.

Yoshwa 4:6

Mamanya awa akanukisa vanu vyuma vije vyanalingi Shukulu Kalunga. Co kulutwe, omo vana veni vakamihula ngwavo, ‘Mamanya awa avikajo? Anunguluka cuma mukajo kuli yeni?’