Yoshwa 22:22 - Livulu lya Shukulu Kalunga

²² “Muka-nzili yoshe wapwa Njambi! Ikeye wapwa Shukulu Kalunga! Muka-nzili umolika ikeye Njambi! Ikeye Shukulu Kalunga! Ikeye nazivuka omwo vikajo tunalingi eci, co netu lalo tushaka yeni muzivuke eci! Nga yetu tunatengulukila Shukulu Kalunga nakujeneka kumwononoka, co kesi mututave tuyoye lelo embwe!

Yoshwa 22:22 Iomraidhean Croise

1 Vimyene 8:39

ziva malombelo avo. Vatolilile omo mwilu muwakala, co vasambese, nakuvakwasa. Yove lika wazivuka viyongola vya vimbunge vya vanu. Linga ku munu na munu ngwe mucinamupande.

Yombi 10:7

Nameme uzivuka ngeci kunjesi na mulonga, ngeci naumo wai asa kunjamena ku livoko lyove.

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Yombi 31:22

co mavoko ange apokoke, apamuke a vitsili vyange.

Myaso 136:2

Kandeleleni kuli Njambi ya vinjambi, omwo cizemo cendi cije kucesi kutenguluka cakala ku myaka yoshe.

Myaso 37:6

akavyazimisa vushunga vwove ngwe litanya lya akati ka mutwe.

Myaso 40:9

Mu cikungulukilo cakama ca vanu vove voshe yove Shukulu Kalunga, njambulwile vin̄anda vyavivwa vyakutwamena. Yove uzivuka ngeci kunjikalikela kuvyambulula.

Myaso 44:21

mwa vushunga ngwe kuwavisholwele ndi? Omwo yove uzivuka viyongola vyakushweka vya mu vimbunge.

Myaso 44:22

Oloni omwo ali yove mukemwo valinakututsiya simbu yoshe, valinakutupwisa ngwe vimanga vaje valinakuya nakuvatsiya.

Myaso 50:1

Shukulu Kalunga Njambi Muka-nzili yoshe alinakwendeka, ikeye nasana kaye koshe, kutunda mu ngangela na mu kangombe ka yambi.

Myaso 82:1

Omo vinjambi veka valikungulwila amo, Shukulu Kalunga Njambi avasompa, nakwendeka ngwendi,

Myaso 95:3

Omwo Shukulu Kalunga ikeye Njambi muka-nzili, ikeye mwene wa nzili kuhyana vinjambi voshe.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Mika 7:9

Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena.

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Vilinga vya Miluwa 1:24

Asinoni valombelele ngwavo, “Mwene, yove uzivuka viyongola vya vanu voshe, ngecivene, tusholwele iya umo akati kaava vanu vavali iwunaangula

Vilinga vya Miluwa 25:11

Nga njinapokola lishiko nakulinga cuma cimo cije njinapande kutsila, kunjilombo ngwange munjovole ku kutsa embwe. Oloni nga kumwesi vushunga mu vyuma evi vashaka kunjiwanena mulonga, naumo wai asa kunjana ku mavoko avo. Njitwala n̄anda yange kuli Nguvulu.”

2 Kolinte 11:11

Kuma njendeka ngeci omwo njamizinda ndi? Njambi azivuka ngeci njamizema!

2 Kolinte 11:31

Njambi na Ishe ya Mwene Yesu, lizina lyendi lipwe lyakuvezika ku myaka yoshe, azivuka ngeci kunjesi nakwendeka makuli.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

1 Timateo 6:16

Ikeye lika kesi kutsa, wayoya mu ceke cije naumo wai asa kushwenyako. Naumo wai wamumona naumo wai asa kumumona. Kuli ikeye kukale kasingimiko na nzili ya myaka yoshe! Ewa.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Yoshwa 22:21

Asinoni vanu va muyati wa Luvena, na Ngande, na litambelo lya Manase wa mu Ngangela vakumbulwile vakulunu va naanga ya miyati ya Isalele va mu kangombe ka yambi ngwavo,

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 2:3

“Kesi mwendeke majwi akulishasha, kesi mulyalese. Omwo Shukulu Kalunga ikeye Njambi azivuka, co asompa vyoshe vivalinga vanu.