Yoshwa 22:10 - Livulu lya Shukulu Kalunga

¹⁰ Omo miyati ya Luvena, na Ngande, na litambelo lya Manase vaje vakele mu ngangela vetele ku Ngelilote, vakele vene ku mutambela wa mu kangombe ka yambi ya Yondau, co vatungile mutula wauvwa wakama ku ngenge ya Ndonga ya Yondau.

Yoshwa 22:10 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 12:8

Co akutunda kuje, Avilama wakengeselele mu mbwela ku lifuti lya malundu mu ngangela ya nganda ya Mbetele. Co watungile cilombo cendi mukati ka Mbetele mu kangombe ka yambi na Ayi mu ngangela. Co watungile mutula kuje wakulemesela Shukulu Kalunga.

Kushangumuka 28:18

Ngecivene, Yakomba wendukile mutondo-tondo, wanonele lije limanya lyasindamenene, walimikile kupwa canukiso. Asinoni wetilileo mazi a olive mukukundika lije limanya kuli Njambi.

Isaya 19:19

Omo simbu ije iketa, kukakala mutula wa Shukulu Kalunga mu lifuti lya Ingito, co na manda ya limanya vakaikundika kuli ikeye ku nginga ya vaka-Ingito mukusingimika Shukulu Kalunga.

Yoshwa 22:11

Co vaje vanu va Isalele vasaleleo vavalekele ngwavo, “Vanu va miyati ya Luvena, na Ngande, na litambelo lya Manase wa mu Ngangela vanatungu mutula ku Ngelilote, ku mutambela wetu wa ku Yondau.”

Yoshwa 22:9

Ngecivene, vanu va miyati ya Luvena, na Ngande, na litambelo lya muyati wa Manase wa mu Ngangela ya Yondau velukile ku membo avo. Vasezele vanu va Isalele ku Shilo mu lifuti lya Kanana, co vaile ku lifuti lyavo lya Ngilyande, lije livatambwile ngwe muje mwavashikile Shukulu Kalunga ali Mosesa.