Yoshwa 21:43 - Livulu lya Shukulu Kalunga

⁴³ Ngecivene, Shukulu Kalunga waanene vaIsalele livu lyoshe lije lyalikumiiye na vakukulwila vavo ngeci akavanalyo. Omo valitambwile, co vatungilemo.

Yoshwa 21:43 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 13:15

Lifuti lyoshe eli ulinakumona, likapwa lyove na vatekulwila vove ku myaka yoshe.

Kushangumuka 28:4

Njambi akakuvezikise yove na vatekulwila vove ngwe mwavezikisile Avilahama, ngeci ukafuke lifuti eli muno muunakala, lifuti eli Njambi walyanene kuli Avilahama!”

2 Mizimbu 20:8

Vakevo vanakala mu lifuti lino, co vanatungu Njuvo nakukusingimika,

Nehemiya 9:24

Co vafungulwile lifuti lya Kanana, wafungulwile vanu vaje vakele muje. Waanene vanu vove moko yakulinga vyoshe vije vivashakele kuli vanu na vimyene va Kanana.

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Myaso 105:8

Ikeye akanyungu cikumiiyo cendi ku myaka yoshe, na cikulaeso cendi ku visemwa vyakupwa 1,000.

Myaso 44:3

Vanu vove kuvafungulwile lifuti lije na mikwale yavo embwe, nambe kushwana lifuti mu nzili yavo embwe, oloni eyi yapwile nzili yove na moko yove, a lizivasano lyove, nakuvamwesa ngeci yove wavazema.

Myaso 78:55

Ikeye washekelemo vavenya lifuti omo vanu vendi vakele nakuya kulutwe, co wapangezelele lifuti lyavo akati ka miyati ya Isalele, nakwana membo avo ku vanu vendi.

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Kulava 33:53

Ngecivene, mukatambula lifuti nakukalamo, omwo njinamyana lifuti kupwa vushwana vweni.

Kulava 34:2

“Shika vanu va Isalele ngwove, omo mukovela mu Kanana, lifuti lije njilinakumyanalyo, vinginga vya lifuti vikapwa ngeci.

Kwituluka mu Mashiko 11:31

Ololo muli kuyehi nakujavuka Ndonga ya Yondau nakushwana lifuti lije lyanamyana Shukulu Kalunga Njambi yeni. Co omo munalishwana mukakalamo.

Kwituluka mu Mashiko 12:29

“Omo Shukulu Kalunga Njambi yeni akanyongesa miyati ije ili kulutwe lweni kuje kumulinakuya nakukovela mu lifuti lyavo ngeci mukatungemo.

Kwituluka mu Mashiko 17:14

“Omo muketa mu lifuti lije lyakamyana Shukulu Kalunga Njambi yeni kulishwana nakukalamo, asinoni mukayongola kukala na mwene ngwe miyati yoshe vaje vanamizengeleka.

Kwituluka mu Mashiko 34:4

Asinoni Shukulu Kalunga wendekele kuli Mosesa ngwendi, “Eli likelyo lifuti lije njalikulaesele Avilahama, na Isake, na Yakomba ngwange njikalyana kuli vatekulwila veni. Co njakumwesalyo na mesho lika, oloni kuukakovelamo embwe.”

Yoshwa 1:6

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 21:42

Co nganda na nganda eyi mwakele mitambela yakulila vimuna ije yazengelekeleko.

Maako 11:24

Co mushaka kutambula mutambela wavo ndi? Wasa kunyunga vyoshe vije vyanakwana njambi yove Kemoshe. Co yetu lalo tunyunga vyuma vyoshe vije vyanatwana Shukulu Kalunga Njambi yetu.

1 Samwele 12:8

Omo Yakomba na naanga yendi vaile ku Ingito, co vaka-Ingito omo vavayandesele, vakukulwila veni valililile kuli Shukulu Kalunga ngeci avakwase, co ikeye wavatuminine Mosesa, na Alone, vakevo vavatundisile mu Ingito nakuvanena mu lifuti lino nakutungamo.