Yoshwa 21:4 - Livulu lya Shukulu Kalunga

⁴ Naanga ya cikota ca Kohate va ku muyati wa vaLevi vakevo vapwile vakulivanga kuvana vinganda. Co vaLevi vaje vapwile vatekulwila va Alone muka-kukombelela akuta n̄ela vavaaneneko vinganda likumi na vitatu vije vyakele ku mitambela ya Yunda, na Simyoni, na Mbenjemani.

Yoshwa 21:4 Iomraidhean Croise

1 Mizimbu 6:39

Asafe ikeye wapwile ntwama wamucivali wa vaka-kwimba myaso. Co mukana wa naanga yendi washangumukilile kuli Levi vakevo ava, Asafe muna Mbelekiya, muna Shimbeya,

Kutuuka 6:16

Levi wakele na vana vendi vatatu va vanalume, mazina avo, Ngeleshone, na Kohate, na Melali. Ava vakevo vapwile vakukulwila va vikota vaje valilukile mazina avo. Levi wayoyele myaka 137.

Kutuuka 6:20

Amelame wambatele vaten̄azi yendi Njokevende, uje wakitile Alone, na Mosesa, co Amelame wayoyele myaka 137.

Kulava 3:27

Co ku cikota ca Kohate kwatundile naanga ya Amelame, na Izehale, na Hevelone, na Uziyele. Eci cikeco cikota ca Kohate.

Yoshwa 21:3

Ngecivene, ngwe muje mwashikile Shukulu Kalunga, vanu va Isalele vaanene vaLevi vinganda vimo na mitambela yakulila vimuna.

Yoshwa 21:5

Co cikota ca vaKohate vaje vasaleleo akuta n̄ela vavaaneneko vinganda likumi vije vyakele ku mitambela ya Efalime, na Ndani, na litambelo lya Manase wa mu Kangombe ka Yambi.

Yoshwa 24:33

Co Elyazale muna Alone watsile, vamutsindile ku Ngimbeya, nganda ije yakele mu lifuti lya malundu lya Efalime lije livaanene kuli munendi Finehase.