Yoshwa 21:27 - Livulu lya Shukulu Kalunga

²⁷ Mbunga ikwavo ya vaLevi, vaka-cikota ca Ngeleshone, vatambwile vinganda vivali kulitambelo lya Manase wa mu Ngangela, mazina avyo, Ngolane mu Mbashane, (yapwile nganda imo mwakutewela), na Mbeshetela, amolika na mitambela yakulila vimuna vavo.

Yoshwa 21:27 Iomraidhean Croise

1 Mizimbu 6:47

muna Maheli, muna Mushi, muna Melali, muna Levi.

1 Mizimbu 6:71

Co naanga ya cikota ca Ngeleshone vavaanene membo, na mitambela yakulila vimuna ije yazengelekeleko. Mu lifuti lya Manase wa mu ngangela, Mbashane, na Ngolane, na Ashetalote.

Kwituluka mu Mashiko 1:4

Eci calingiwile omo Shukulu Kalunga nafungulula laja Mwene Sihone wa vaAmoli, uje washwanene mu nganda ya Heshevone, na Mwene Onge wa Mbashane, uje washwanene mu vinganda vya Ashetalote, na Endele.

Kwituluka mu Mashiko 4:43

Nganda ya Mbezele ije yakele mu mambo yakushalama, yapwile yakutewela muyati wa Luvena. Nganda ya Lamote ije yakele mu Ngilyande, yapwile yakutewela muyati wa Ngande. Co nganda ya Ngolane ije yakele mu Mbashane, yapwile yakutewela muyati wa Manase.

Yoshwa 20:8

Co musambwa ya Ndonga ya Yondau mu ngangela ya Yeliko, vaangwile Mbezele yakele mu mutambela wa Luvena, co Lamote mu Ngilyande, yakele mu mutambela wa Ngande, na Ngolane mu Mbashane yakele mu mutambela wa Manase.

Yoshwa 21:26

Co naanga eyi ya cikota ca Kohate vatambwile vinganda likumi, amolika na mitambela yakulila vimuna vavo.

Yoshwa 21:28

Co ku mutambela wa Isakale vavaaneneko vinganda viwana, mazina avyo, Kishiyone, na Ndambelate,

Yoshwa 21:6

Co cikota ca vaNgeleshone vavaaneneko vinganda likumi na vitatu vije vyakele ku mitambela ya Isakale, na Ashele, na Nafetali, na litambelo lya Manase wa mu Ngangela.