Yoshwa 20:9 - Livulu lya Shukulu Kalunga

⁹ Evi vikevyo vinganda mwakutewela vivaangwile vanu va Isalele voshe na vaka-kwija vaje vakele akati kavo. Ngeci munu woshe uje atsiya mukwavo kwakujeneka mulonga akawaneko ngila yakumunyunga kutewa munu uje ashaka kumulinga shambandinga, co ikeye kuvakamutsii kuvanga akulivanga vamusompe ku mbunga.

Yoshwa 20:9 Iomraidhean Croise

Kulava 35:13

Mukaangula vinganda vitanu na imo kupwa vinganda mwakutewela,

Kulava 35:15

Vinganda evi mukavinyunga vikapwe vyakutewela vanu va Isalele, na vaka-kwija, amo na vangenzi vaje vali akati keni, ngeci nga munu natsii mukwavo na cintulu, ase kutewelamo.

Yoshwa 20:4

Ikeye asa kutewela ku nganda imo ya vinganda vije, co akemana ku cikolo ca nganda ku mutambela uje wakusompesela, nakulangulula kuli vantwama vije vinalingiwa. Co vakamutava kukala mu nganda, vakamwana mutambela wakukalamo, ngecivene, ikeye ase kukala muje.

Yoshwa 20:6

Ikeye akakala vene mu nganda ije noo vakamusompa mu mbunga, co lalo noo kutsa kwa Muka-kukombelela Wakama. Asinoni uje munu natsiile mukwavo akeluka kwimbo ku njuvo yendi, kuje kwatundile.”

Yoshwa 20:8

Co musambwa ya Ndonga ya Yondau mu ngangela ya Yeliko, vaangwile Mbezele yakele mu mutambela wa Luvena, co Lamote mu Ngilyande, yakele mu mutambela wa Ngande, na Ngolane mu Mbashane yakele mu mutambela wa Manase.