Yoshwa 20:8 - Livulu lya Shukulu Kalunga

⁸ Co musambwa ya Ndonga ya Yondau mu ngangela ya Yeliko, vaangwile Mbezele yakele mu mutambela wa Luvena, co Lamote mu Ngilyande, yakele mu mutambela wa Ngande, na Ngolane mu Mbashane yakele mu mutambela wa Manase.

Yoshwa 20:8 Iomraidhean Croise

1 Vimyene 22:6

Ngecivene, Ahave wasanene vaka-kwimanena, vapwile 400, co wavehwile ngwendi, “Citava ngeci njiye nakulwisa Lamote nambe embwe?” Co vakevo vamukumbulwile ngwavo, “Ya ukavalwise. Shukulu Kalunga akakwana nzili yakuvafungulula.”

2 Vimyene 8:28

Mwene Ahaziya walipandakaanene na Mwene Njolame wa mu Isalele mu nzita kulwisa Mwene Hazayele wa Silya. Co valwililile nzita ku Lamote mu Ngilyande, Njolame wavetwele mu nzita.

1 Mizimbu 6:78

Mu lifuti lya Luvena, mu ngangela ya Ndonga ya Yondau, musambwa ya Yeliko, vavaanene Mbezele, na Njaheza,

1 Mizimbu 6:80

Mu lifuti lya Ngande, Lamote, mu Ngilyande, na Mahanaime,

Kwituluka mu Mashiko 3:10

Co twatambwile lifuti lyoshe lya Mwene Onge wa ku Mbashane, na vinganda vyoshe vije vyakele mu cana, mu lifuti lya Ngilyande na Mbashane, nakweta mu ngangela ku vinganda vya ku Saleka na Endelei.”

Kwituluka mu Mashiko 4:43

Nganda ya Mbezele ije yakele mu mambo yakushalama, yapwile yakutewela muyati wa Luvena. Nganda ya Lamote ije yakele mu Ngilyande, yapwile yakutewela muyati wa Ngande. Co nganda ya Ngolane ije yakele mu Mbashane, yapwile yakutewela muyati wa Manase.

Yoshwa 20:7

Ngecivene, mu kangombe ka yambi ya Yondau vaangunwine Kendeshe mu Ngalileya, mu lifuti lya malundu lya Nafetali, na Shekeme yakele mu lifuti lya malundu lya Efalime, na Hevelone yakele mu lifuti lya malundu lya Yunda.

Yoshwa 20:9

Evi vikevyo vinganda mwakutewela vivaangwile vanu va Isalele voshe na vaka-kwija vaje vakele akati kavo. Ngeci munu woshe uje atsiya mukwavo kwakujeneka mulonga akawaneko ngila yakumunyunga kutewa munu uje ashaka kumulinga shambandinga, co ikeye kuvakamutsii kuvanga akulivanga vamusompe ku mbunga.

Yoshwa 21:27

Mbunga ikwavo ya vaLevi, vaka-cikota ca Ngeleshone, vatambwile vinganda vivali kulitambelo lya Manase wa mu Ngangela, mazina avyo, Ngolane mu Mbashane, (yapwile nganda imo mwakutewela), na Mbeshetela, amolika na mitambela yakulila vimuna vavo.

Yoshwa 21:36

Co ku mutambela wa Luvena vavaaneneko vinganda viwana, mazina avyo, Mbezele, na Njahaze,

Yoshwa 21:38

Co ku muyati wa Ngande vavaaneneko vinganda viwana, mazina avyo, Lamote mu Ngilyande (yapwile nganda imo mwakutewela), amolika na mitambela yakulila vimuna vavo, na Mahanaime,