Yoshwa 2:18 - Livulu lya Shukulu Kalunga

¹⁸ Omo tukakovela mu lifuti lyeni, unapande kulinga eci, ukakuta ou mukole wakuvenga ku njanena eyi iwunatusosela asi. Co ukasana isho, na vanyoko, na vandolome vove, amo na vavushoko vwa isho voshe mu njuvo yove.

Yoshwa 2:18 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 7:1

Shukulu Kalunga wendekele kuli Nowa ngwendi, “Kovela mu vwato, yove na naanga yove yoshe, omwo njawana ngwange yove lika muka-vushunga ku mesho ange mu cisemwa eci coshe.

Esita 8:6

Vatijo njikakala nga vukalu ovu vukawana vanu vange, co na vavushoko vwange vene vavatsiye?”

Kutuuka 12:13

Maninga aa vipamba anapu cizivukiso ca cimweso mu vinjuvo evi mulinakukala. Omo njikamonao maninga, co njikamijomboka, kunjikamivulumuna omo njikahisa vaka-Ingito.

Myaso ya Solomoni 4:3

Tunwa twove tunapu ngwe vwanda vwakuvenguluka, tunapu twatuvwa omo wendeka, vinana vyove vinalifu na mbazuvwila ya mapomingilanete omo unalifwiki nanga ku mutwe wove.

VaLevi 14:4

co muka-kukombelela akashike ngeci anene tuzila vavali vakulya, amo na kaciti ka kendale, na mukole wakuvenga, na cishamo ca hisope.

Kulava 19:6

Asinoni muka-kukombelela akanone kaciti ka kendale, na kacishamo ka hisope, na mukole wakuvenguluka, co vakavyumbile mu tuhya muje mulinakwenyela uje ngombe.

Kulava 4:8

Vyoshe evi vavifwike na nanga yakuvenguluka, co akamwa vakafwikeo vilambu vya mavau vyakufutungula mwamuvwa, asinoni vakashomazekako mikambo yakwambatela.

Luka 19:9

Yesu wendekele kuli ikeye ngwendi, “Kwovoka kunete ku njuvo ino ku litangwa lyalelo, omwo munalume ou ikeye lalo muna Avilahama.

Vilinga vya Miluwa 10:27

Co Petulu wakele nakwendeka kuli Konelyasi omo vakovelele mu njuvo, co vawanenemo vanu vavangi vanakunguluka laja.

Vilinga vya Miluwa 10:33

Ngecivene, njatumine vwasi-vwasi vanu kuli yove, co unavwaesa omo unaija. Ololo yetu voshe tuli kuno ku mesho a Njambi tunavandamena kutolilila vyuma vyoshe ovyo vyanakuleka Mwene ngeci uvyendeke.”

Vilinga vya Miluwa 11:14

Ikeye akendeka majwi kuli yove aje akakwovola yove na naanga yove.’

2 Timateo 1:16

Mwene amimwesa mema ku mbunge ku naanga ya Onesifolase, omwo ikeye visimbu vyavingi wanjivwaelelesele. Kazivile shwamwa omo yange njili mu kamenga,

VaHevelu 9:19

Akulivanga, Mosesa walekele vanu mashiko a Njambi oshe, ngwe muvaemikile. Co wambatele maninga a vana va vingombe va nkomba na vimembe nakwawakumbasana amo lika na mema, co waashamwinine a livulu lya Lishiko na a vanu voshe na kacishamo ka hisope, co na a a vimanga akuvenga.

Yoshwa 2:21

Co Lahave watavele ngwendi, “Cilingiwe ngwe mumunendeka.” Co wavecelele vaile. Omo vanai laja, wakutiiye mukole wakuvenga ku njanena.

Yoshwa 6:23

Ngecivene, vaje vanalume vanengele lifuti vakovelelemo vatuwisile Lahave, na ishe na vaina, na vandolome vendi, na naanga yendi yoshe. Co vavatuwisilemo voshe na naanga yendi yoshe na vindungo, vavaakele anja ya cilombo ca vaIsalele.

Yoshwa 6:25

Oloni Yoshwa wayoyeselemo lika mwonyo wa cikwizi Lahave na vavushoko vwendi voshe, omwo ikeye washwekele vaje vaka-kunenga lifuti vavali vavatumine ku Yeliko. Co naanga ya Lahave vacili nakuyoya mu Isalele na lelo lino.