Yoshwa 2:16 - Livulu lya Shukulu Kalunga

¹⁶ Co wavalekele ngwendi, “Yeni ku lifuti lya malundu, amo vanu va mwene vamiwana, vandeni kuje matangwa atatu noo vanelukamo. Co omo vineti evi, mwasa kuya vungenzi vweni.”

Yoshwa 2:16 Iomraidhean Croise

Myaso 11:1

Njakulaela kuli Shukulu Kalunga omwo muli ikeye muli kwovoka. Kesi mwendeke kuli yange ngweni, “Pulula ngwe kazila utewele ku munkinda,

Yakomba 2:25

Capwile cuma cimolika na Lahave uje cikwizi. Vamupwisile muka-vushunga ku mesho a Njambi omwo a vilinga vyendi, akutambula mwamuvwa vaje vaIsalele vaka-kunenga nakuvakwasa ngeci vatewe valikwasese ngila ikwavo.

Yoshwa 2:15

Asinoni Lahave watuwisilile vaje vanalume mu njanena nakuvasosela asi na mukole, omwo njuvo yendi vaitungilile kumukulo wa civumbe ca nganda.

Yoshwa 2:22

Omo vaje vaka-kunenga vaile ku lifuti lya malundu nakukavandako, co vanu va mwene vavashakezekele mu lifuti mwoshe matangwa atatu, oloni kuvavawanene, ngecivene, velukile ku Yeliko.

1 Samwele 23:14

Ndaviti wavandele mu lifuti lya malundu, mu mambo kuyehi na Zife. Simbu yoshe Saulu wesekele manene ngeci awane Ndaviti, oloni Njambi kakundikile Ndaviti mu mavoko a Saulu.

1 Samwele 23:29

Ndaviti watundile kuje, waile ku lifuti lya Engendi, kwakavandele.