Yoshwa 19:51 - Livulu lya Shukulu Kalunga

⁵¹ Co Elyazale muka-kukombelela, na Yoshwa muna Nune, na vantwama va vikota vya miyati ya Isalele vaanene mitambela eyi ya livu mukwihula kuli Shukulu Kalunga akuta n̄ela ku Shilo, valingile vyoshe evi ku cikolo ca Mbalaka Mwakuliwanena. Co mu ngila eyi vamanesele kupangezela livu.

Yoshwa 19:51 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 78:60

Wasezele mbalaka ya ku Shilo, mbalaka ije yashimbikile omo wakele akati ka vanu.

Mateo 20:23

Ikeye wavalekele ngwendi, “Mukanwa mwa vushunga mu nganja yange, oloni nzili yakwangula uje akatumbama ku livoko lyange lya cilyo, nameme lyacimwoshe, kunjesi nayo. Oloni myela eyi inapu ya vaje Tate wavavwaeseleleyo laja.”

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Yowano 17:2

Omwo wamwanene moko yakushwana vanu voshe, ngeci aane mwonyo wa myaka yoshe kuli vaje voshe vawamwanene.

Vilinga vya Miluwa 13:19

Co wanyongesele miyati itanu na ivali mu lifuti lya Kanana, co wapwisile lifuti lije vushwana vwa vanu vendi.

Yoshwa 14:1

Eyi ikeyo mitambela ivatambwile vaIsalele mu lifuti lya Kanana kupwa vushwana vwavo. Elyazale muka-kukombelela, na Yoshwa muna Nune, na vantwama va vikota vya miyati ya vaIsalele vakevo vavapangezeleleyo.

Yoshwa 18:1

Omo vaIsalele vanatambula laja lifuti, co mbunga yoshe valikungulwilile ku Shilo, vashimbikile Mbalaka Mwakuliwanena.

Yoshwa 18:10

Co Yoshwa watele n̄ela ku Shilo nakwihula Shukulu Kalunga ali vakevo, co ikeye waanene livu ku muyati umo na umo wa Isalele vaje vasaleleo.

Yoshwa 20:1

Asinoni Shukulu Kalunga walekele Yoshwa

Maako 21:19

Co vayongwele ngwavo, “Ciwano ca a mwaka na mwaka ca Shukulu Kalunga ku Shilo cili muyehi.” (Shilo yakala ku kunto ya Mbetele, na mbwela ya Lembona, na ku ngangela ya tapalo mukati ka Mbetele na Shekeme.)

Maako 21:21

Omo vambanda va ku Shilo vaija mukukina simbu ya ciwano, co jombolokeni mu mahya a mikolovozi ya vushuka vwa vinyu. Co munu na munu akwate munakazi wa ku Shilo, co amutwale ku mutambela wa Mbenjemani.

1 Samwele 1:3

Co a mwaka na mwaka Elekana wakele nakutunda kwimbo lyavo ku Lama waile nakulemesa nakukombelela kuli Shukulu Kalunga Muka-nzili yoshe ku Shilo, kuje kwakele vana va Eli, Hofene, na Finehase, vakevo vapwile vaka-kukombelela kuli Shukulu Kalunga.