Yoshwa 18:7 - Livulu lya Shukulu Kalunga

⁷ Nameme ngoco, vaLevi kuvakatambula mutambela umo wa lifuti kupwa vushwana vwavo amo neni, omwo vushwana vwavo vwapwa vwa vuka-kukombelela. Mwa vushunga vene, miyati ya Ngande, na Luvena, na litambelo lya Manase wa mu Ngangela vanatambula laja livu lyavo mu ngangela ya Yondau, lije lyavaanene Mosesa ngamba ya Shukulu Kalunga.”

Yoshwa 18:7 Iomraidhean Croise

Kulava 18:20

Co Shukulu Kalunga wendekele kuli Alone ngwendi, “Kumukakala na vushwana mu lifuti lyavo, nambe kumukakala na mutambela umo akati kavo, omwo yange njinapu mutambela weni na vushwana vweni akati ka vanu va Isalele kumukajeneka navimo vyai.”

Kulava 18:23

Kutunda ano vaLevi lika vakevo vakapanga vipangi vya mu Mbalaka Mwakuliwanena. Co vakakala na mulonga wa uje ivakatsiya uje ashwenya kuyehi na Mbalaka. Eli linapu lalo lishiko lya vatekulwila veni voshe. Co vaLevi kuvakakala na vufuko nambe vushwana mu Isalele,

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Kwituluka mu Mashiko 10:9

Omu mukemwo muyati wa Levi kuvesi na mutambela nambe vushwana akati ka vandolome vavo. Shukulu Kalunga ikeye vushwana vwavo ngwe muje mwavalekele Shukulu Kalunga Njambi yeni.)

Yoshwa 12:6

Vimyene ava vavali wavafungulwile Mosesa na vanu va Isalele. Mosesa ngamba ya Shukulu Kalunga waanene lifuti lyavo ku miyati ya Luvena na Ngande na litambelo lya muyati wa Manase, kupwa vushwana vwavo.

Yoshwa 13:33

Oloni Mosesa kaanene mutambela umo kupwa vushwana vwa muyati wa vaLevi, omwo ikeye wavalekele ngeci Shukulu Kalunga Njambi ya Isalele ikeye akapwa vushwana vwavo.