Yoshwa 18:4 - Livulu lya Shukulu Kalunga

⁴ Anguleni vanalume vatatu ku muyati na muyati ngeci njivatume vaye nakusoneka mu lifuti lyoshe lije livashaka ngeci valisoneke lipwe vushwana vwavo. Asinoni vakeluka lalo kuli yange.

Yoshwa 18:4 Iomraidhean Croise

Mika 2:5

Ngecivene, omo simbu ikaija yakwilwisila vanu va Shukulu Kalunga lifuti lyavo, co kukukakala mutambela weni.

Kulava 1:4

Anguleni ku cikota na cikota mukulunu wa ku muyati umo na umo amikwase.”

Kulava 13:2

“Ku miyati eyi likumi na ivali angula ku muyati umo na umo ntwama umolika ngeci uvatume vakanenge lifuti lya Kanana, eli njilinakulyana kuli vanu va Isalele.”

Yoshwa 18:3

Ngecivene, Yoshwa wendekele kuli vanu va Isalele ngwendi, “Mukatatamena simbu yakupwa aka, ngeci muye nakutambula lifuti lije lyanamyana Shukulu Kalunga Njambi ya vakukulwila veni?

Yoshwa 18:5

Co lije livu vakalipangezelalyo akati kavo mu mitambela itanu na ivali. Muyati wa Yunda ukakala ku mutambela wa ku mbwela, co vatekulwila va Yosefa vakakala ku mutambela wa ku kunto ya lifuti.

Yoshwa 18:6

Sonekeni mwamuvwa na vutongwe mitambela eyi itanu na ivali, co muyinene kuno kuli yange. Asinoni njakuta n̄ela nakwihula kuli Shukulu Kalunga Njambi yetu ali yeni.

Yoshwa 18:9

Ngecivene, vaje vanalume vaile nakwitangana a livu lyoshe nakusoneka muvakalipangezela mu mitambela itanu na ivali, co vasonekele mazina a vinganda. Asinoni velukile kuli Yoshwa ku cilombo ca ku Shilo.

Yoshwa 3:12

Ololo anguleni vanalume likumi na vavali, ku muyati umo na umo wa Isalele.

Yoshwa 4:2

“Angula vanalume likumi na vavali, ku muyati umo na umo.