Ishemboshete wakele na vamyata vavali vakevo vapwile vantwama va vimunga vya vaka-kupukula, mazina avo, Mbana, na Lekave, vana va Limone, vakutunda kuli Mbelote wa ku muyati wa Mbenjemani. (Omwo Mbelote nayo vailavela ku mutambela wa Mbenjemani.
Asinoni Mwene Asa washikile munu woshe wakele mu Yunda, ngeci vatute mamanya na mavaya aje Mbasha walikwasele kutungisa cimpaka ca Lama. Mwene Asa wapangesele mavaya na mamanya aje mukutungisa cimpaka ca Mizipa na Ngemba, nganda ya mu mutambela wa Mbenjemani.
Omo vamyata va vaYunda na mashwalale vaje kuvaliitile vazivile evi, co vakalikumbasanene na Ngendaliya ku Mizipa. Vamyata ava vapwile Ishimela muna Netaniya na Yohanane muna Kaleya na Selaya muna Tanehumete wa ku nganda ya Netofa na Njezaniya wa ku Maka.
Co watumine lalo lijwi kuli vaKanana vaje vakele mu ngangela na mu kangombe ka yambi ya Yondau, na kuli vaAmoli, na kuli vaHiti, na kuli vaPelezi, na kuli vaNjevushi vaje vakele mu lifuti lya malundu, na vaHivi lalo vaje vakele kwisi ya Munkinda wa Helemone mu lifuti lya Mizipa.
Ngecivene, vanu va Isalele vakatukile, co omo kuneti matangwa atatu vetele ku vinganda vije vivatungile vaje vanu, vinganda vyavo vyapwile, Ngimbiyone, na Kefila, na Mbelote, na Kilyate Njelime.
Asinoni mashwalale va vaAmoli valivwaeselele kulwa nzita, valikungulwile nakutunga cilombo cavo ku Ngilyande. Co vanu vaIsalele valikungulwile nakutunga cilombo cavo ku Mizipa mu Ngilyande.
Omo Njefeta welukile kwimbo ku Mizipa, co kuje kwakele munendi wa munakazi wezile nakumushesha, nakukina nakwimba kambulumbumba. Wapwile munendi umolika.
Vanu va Isalele voshe kutunda ku Ndani ku kunto kutwala ku Mbelesheva mu mbwela, amo na lifuti lya Ngilyande mu ngangela, valikungulwile na mbunge imo ku mesho a Shukulu Kalunga ku Mizipa.
Co voshe vakungulukilile ku Mizipa. Vatekwile mema nakuwetila kupwa n̄ombelo kuli Shukulu Kalunga, co valikelele kulya litangwa lyoshe lyamutunu. Co vendekele ngwavo, “Tunalingi vuvi ku mesho a Njambi.” Ngecivene, Samwele waakwilile vanu va Isalele ku Mizipa.