Yoshwa 18:16 - Livulu lya Shukulu Kalunga

¹⁶ Co yashelumukilile kwisi ya munkinda uje walishungamene na Cana ca Hinome, ku shongo ya Cana ca Lefaime ku kunto. Co yakengeselele lalo ku mbwela mukati ka Cana ca Hinome, ku mbwela ya vaNjevushi kuje yetele ku Enelongele.

Yoshwa 18:16 Iomraidhean Croise

2 Samwele 17:17

Yonatana muna Aviyatale na Ahimaza muna Zandoke vavandamenene ku lisima lya kavwelu-vwelu lya Enelongele, anja ya Yelusalema, co ngamba wa munakazi wakele nakuyako nakuvanangula vije vilinakulingiwa, ngeci vakevo vaye nakulekako Mwene Ndaviti omwo kuvapandele kuvamona vakovela mu nganda.

2 Samwele 5:18

Co vaFilisitiya vezile nakulikwalaleka ku Cana ca Lefaime nakukalamo.

1 Vimyene 1:9

Litangwa limo Andoniya wakombelele n̄ombelo ya vimanga, na vingombe, na vana va vingombe vakununa a Limanya lya Linyoka, kuyehi na Enelongele. Walanyele vakwavo vana va Mwene Ndaviti, na vamyata va mwene vaje vatundile ku muyati wa Yunda kwija ku ciwano cakukombelela,

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

1 Mizimbu 14:9

Co vaFilisitiya vezile ku Cana ca Lefaime, vashangumukile kulwa.

2 Mizimbu 28:3

co wenyekelele insense mu Cana ca Hinome, wakombelelele vana vendi va vanalume kupwa vin̄ombelo vyakwenyekela ku tumponya, mukutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Njelemiya 19:11

nakuvaleka ngwange Shukulu Kalunga Muka-nzili yoshe nendeka ngwendi, “Njikatsiya vanu ava na nganda eyi, ngwe munu atsiya njava ya vuma ije kuvasa kuyimunga-munga lalo. Vanu vakatsinda vivimbi vyavo mu Tofete, omwo kukwesi kweka lalo kwakuvatsindila.

Njelemiya 19:2

Iteni mu Cikolo ca Potishende muye ku Cana ca Hinome, ya ukambulule majwi aje anjikakuleka.

Njelemiya 19:6

Ngecivene, simbu ikaija omo mutambela uno kuvakautumbula lalo Tofete nambe Cana ca Hinome. Oloni vakautumbula Cana Cakutsiila.

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Yoshwa 15:63

Oloni vanu va Yunda kuvashekelemo vaNjevushi vaje vakele mu Yelusalema. Ngecivene, vaNjevushi na lelo lino vacili nakukala amolika na vanu va Yunda.

Yoshwa 18:28

na Zela, na Haelefe, na Njevushi, ikeyo Yelusalema, na Ngimbeya, na Kilyate Njelime. Vyapwile vinganda likumi na viwana, amolika na vinganda vije vyavizengelekele. Eli likelyo livu livatambwile vatekulwila va Mbenjemani kupwa vushwana vwavo.

Maako 1:21

Oloni vanu va muyati wa Mbenjemani kuvashekele vaNjevushi vaje vakele mu Yelusalema, co vaNjevushi na lelo lino valinakukala akati ka vanu va Mbenjemani.

Maako 1:8

Co vanu va Yunda valwisile Yelusalema nakuyifungulula. Vatapele vanu vamwo na mikwale, co venyekele nganda na tuhya.

Maako 19:10

Oloni uje munalume katavele kulala kuje vutsiki vuje embwe, co wakatukile waile, wetele kuje kwalishungama na Njevushi (ikeyo Yelusalema). Wakele na vimulu vavali vakulemeka visileyi, co na lishano lyendi lya mbanja wakele amo nendi.