Yoshwa 18:14 - Livulu lya Shukulu Kalunga

¹⁴ Co nginga yaile ku mutambela ukwavo, yatengulukilile ku mbwela kutunda ku munkinda wa mu kangombe ka yambi nakweta ku Kilyate Mbale, nambe Kilyate Njelime, yapwile ya muyati wa Yunda. Eyi ikeyo yapwile nginga ya mu kangombe ka yambi.

Yoshwa 18:14 Iomraidhean Croise

2 Samwele 6:2

wavatwalele ku Mbala mu Yunda, vakashake Cikasa ca Cikumiiyo ca Njambi, cije vatumbwile mu lizina lya Shukulu Kalunga Muka-nzili yoshe, uje natumbama akamwa ya vakelumbi.

Yoshwa 15:60

Co lalo kwakele Kilyate Mbale (ikeyo Kilyate Njelime), na Lamba. Vinganda vyoshe evi vyapwile vivali, kukumbasanako na vinganda vije vyavizengelekele.

Yoshwa 15:9

Co nginga yetile akamwa ya lilundu nakweta ku masima a tuvwelu-vwelu a ku Nefetowa, yakengeselele ku vinganda vya muyehi na Munkinda wa Efelone. Co kutunda aje yakengeselele ku Mbala ikeyo Kilyate Njelime,

Yoshwa 18:13

Co nginga yetile kwakungulumuka ku mutambela wa ku mbwela ya Luze, ije ivatumbwile lalo ngwavo Mbetele, co yashelumukile ku Atalote Andale, a munkinda wa ku mbwela ya Mbete Holone ya mu Cimbongo.

Yoshwa 18:15

Co nginga ya ku mbwela yashangumukilile kumukulo wa Kilyate Njelime, co yakengeselele ku masima a Nefetowa.

Yoshwa 9:17

Ngecivene, vanu va Isalele vakatukile, co omo kuneti matangwa atatu vetele ku vinganda vije vivatungile vaje vanu, vinganda vyavo vyapwile, Ngimbiyone, na Kefila, na Mbelote, na Kilyate Njelime.

1 Samwele 13:18

co ikwavo yakengeselele ku ngila ya ku Mbete Holone, co ikwavo lalo yaile ku nginga yakukengesa ku Cana ca Zemboime na ku mambo.