Yoshwa 18:12 - Livulu lya Shukulu Kalunga

¹² Co nginga yavo ya ku kunto yashangumukilile ku Ndonga ya Yondau asinoni yalamatele kwakungulumuka ku kunto ya Yeliko, co yakengeselele ku lifuti lya malundu mu kangombe ka yambi nakweta mu mambo ya Mbetevane.

Yoshwa 18:12 Iomraidhean Croise

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Hoziya 5:8

Imbeni malupembo a nzita mu Ngimbeya! Imbeni mwondo wa nzita mu Lama! Tambekeni mutambi wa nzita mu Mbetele! Koveleni mu nzita yeni vanalume va Mbenjemani!

Yoshwa 16:1

Co nginga ya mu mbwela vayanene kuli vatekulwila va Yosefa kushangumukila ku Ndonga ya Yondau kuyehi na Yeliko, ku masima a mu ngangela ya Yeliko, co yakengeselele mu mambo. Co nginga yatundile ku Yeliko kuya ku lifuti lya malundu nakweta ku Mbetele.

Yoshwa 18:11

Mutambela wa vatekulwila va Mbenjemani ukewo valivangele kwana. Co mutambela wavo wakele mukati ka vatekulwila va Yunda na vatekulwila va Yosefa.

Yoshwa 2:1

Asinoni Yoshwa watumine vaka-kunenga vavali mu vushweke kutunda mu cilombo ca ku Mungongo ngwendi, “Yeni mukanenge lifuti lya Kanana, vunene-nene nganda ya Yeliko.” Omo vetele ku nganda, co vakovelele mu njuvo ya cikwizi umo lizina lyendi Lahave.

Yoshwa 3:16

co mema aje atundile ku cava emanene mutumbo ku mutambela umo, ku Andama, nganda ije ili kuyehi na Zalatane. Mema aje ayile ku shango ku Lishali lya Kutsa omine cau, co vanu vajavukilile kuyehi na Yeliko.

Yoshwa 6:1

Vikolo vya Yeliko vavipatele ngo nakuvinyunga kutewa vanu va Isalele vakovelamo. Naumo wai wasele kukovela nambe kutuuka mu nganda.

Yoshwa 7:2

Co Yoshwa watumine vanalume kutunda ku Yeliko nakuya ku Ayi, nganda yakele mu ngangela ya Mbetele, kuyehi na Mbetevane, wavalekele ngeci valamate ku malundu vakanenge lifuti. Ngecivene, vaje vanalume valamatele vakanengele lifuti lya Ayi.

Yoshwa 8:15

Yoshwa na vanu vendi valikwisile ngwe valinakutewa, co vatewelele ku ngila yakuya ku mambo.

1 Samwele 13:5

Co vaFilisitiya valikungulwile kulinga nzita na vaIsalele, vakele na matemba 30,000, co vanu 6,000 vaka-kwendela a tuvalu, cooni vungi vwa mashwalale vwapwile ngwe lishen̄avu lya ku ngenge ya mema a kalunga. Vaile ku Mikemashe, mu ngangela ya Mbetevane, co vatungile cilombo cavo kuje.