Yoshwa 18:10 - Livulu lya Shukulu Kalunga

¹⁰ Co Yoshwa watele n̄ela ku Shilo nakwihula Shukulu Kalunga ali vakevo, co ikeye waanene livu ku muyati umo na umo wa Isalele vaje vasaleleo.

Yoshwa 18:10 Iomraidhean Croise

1 Mizimbu 24:5

Omo mu Njuvo ya Shukulu Kalunga mwakele vamyata na vantwama vaje vendesele vipangi vya Shukulu Kalunga akati ka vatekulwila va Elyazale na Itamale, vavanene vipangi akuta n̄ela.

Nehemiya 11:1

Vantwama vatungile mu Yelusalema na vanu vaje vasaleleo, vatele n̄ela kwangula naanga imo a vinaanga likumi, kutunga mu Yelusalema nganda yakujela, co vakwavo vatanu na vawana vaje vasaleleo vakevo vakele mu vinganda vikwavo na mu vindandanga.

Myaso 47:4

Ikeye watwangwilile lifuti muje mutuli nakukala, vushwana vwakulyalesela vanu vendi vaje vazema.

Myaso 61:5

Yove Njambi wazivile vikulaeso vyange, co unanjivezikisa ngeci muje ukavezikisa vaje vakulemesa.

Visimo 18:18

Nga vanu vavali valinga vimata mu mbanja, co akuta n̄ela vimata vyavo vihwa.

Njelemiya 7:12

Yeni ku Shilo, mwela wakulivanga uje njangwile kunjilemeselako, mukamone vinjalingileko omwo vuvi vwa vanu vange va Isalele.

Ezekiyele 47:22

co mukalitavwilalyo ngeci likapwe vufuko vweni vwa ku myaka yoshe. Co vaka-kwija vaje valinakukala akati keni, vaje vali na vana vavo vasemukila muno, na vakevo lalo vakatambuleko mutambela wavo omo mukalipangezelalyo. Na vakevo vakengeni ngwe vavushoko vweni va Isalele, co vakata n̄ela ngeci vakakale na vufuko akati ka Isalele ngwe yeni vene.

Ezekiyele 48:29

Co Shukulu Kalunga wa Akamwa ya Vyoshe wendekele ngwendi, “Omu mukemwo mumukapangela lifuti mu mitambela ku miyati ya Isalele kupwa vufuko vwavo.”

Mika 2:5

Ngecivene, omo simbu ikaija yakwilwisila vanu va Shukulu Kalunga lifuti lyavo, co kukukakala mutambela weni.

Kulava 34:16

Shukulu Kalunga wendekele kuli Mosesa ngwendi,

Mateo 27:35

Co omo vamushukikile a cilindakano, vatele n̄ela akulipangela vuzalo vwendi.

Yowano 17:2

Omwo wamwanene moko yakushwana vanu voshe, ngeci aane mwonyo wa myaka yoshe kuli vaje voshe vawamwanene.

Vilinga vya Miluwa 13:19

Co wanyongesele miyati itanu na ivali mu lifuti lya Kanana, co wapwisile lifuti lije vushwana vwa vanu vendi.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Kolose 1:12

Co nakujolela kandeleleni kuli Tate uje namilingisa ngeci mupwemo mu kukala na mutambela kuli vije Njambi natulikila vanu vendi mu vumwene vwa ceke.

Yoshwa 14:2

Ngecivene, vushwana vwavo vavutele n̄ela ku miyati ije itanu na iwana na litambelo, ije yakele mu kangombe ka yambi ya Yondau, ngwe muje mwashikile Shukulu Kalunga kuli Mosesa.

Yoshwa 14:5

Co vanu va Isalele valipangezelele lifuti ngwe muje mwashikile Shukulu Kalunga kuli Mosesa.

Yoshwa 18:11

Mutambela wa vatekulwila va Mbenjemani ukewo valivangele kwana. Co mutambela wavo wakele mukati ka vatekulwila va Yunda na vatekulwila va Yosefa.

Yoshwa 18:6

Sonekeni mwamuvwa na vutongwe mitambela eyi itanu na ivali, co muyinene kuno kuli yange. Asinoni njakuta n̄ela nakwihula kuli Shukulu Kalunga Njambi yetu ali yeni.

Yoshwa 18:8

Ngecivene, vaje vanalume vaile vungenzi vwavo nakusoneka livu omo Yoshwa wavashikile ngwendi, “Endanganeni nakukamona livu lyoshe nakulisoneka mwamuvwa, co mukeluke lalo kuli yange. Asinoni kuno vene ku Shilo, njakuta n̄ela nakwihula Shukulu Kalunga ali yeni.”

Yoshwa 18:9

Ngecivene, vaje vanalume vaile nakwitangana a livu lyoshe nakusoneka muvakalipangezela mu mitambela itanu na ivali, co vasonekele mazina a vinganda. Asinoni velukile kuli Yoshwa ku cilombo ca ku Shilo.

Yoshwa 19:51

Co Elyazale muka-kukombelela, na Yoshwa muna Nune, na vantwama va vikota vya miyati ya Isalele vaanene mitambela eyi ya livu mukwihula kuli Shukulu Kalunga akuta n̄ela ku Shilo, valingile vyoshe evi ku cikolo ca Mbalaka Mwakuliwanena. Co mu ngila eyi vamanesele kupangezela livu.

Yoshwa 23:4

Njinaana vushwana ku miyati yeni livu lya miyati ije inasalako, amo neli lya miyati yoshe ije injinafungulula, kutunda ku Ndonga ya Yondau mu ngangela kweta ku Lishali lya Menditelenyani mu kangombe ka yambi.