Yoshwa 17:18 - Livulu lya Shukulu Kalunga

¹⁸ Mwa vushunga lifuti lya malundu likapwa lyeni vene! Nameme likelyo lyapwa shwata, co mukashinjamo miti nakulipwisa lyeni kutunda ku shongo imo nakweta ku shongo ikwavo. Nameme vaKanana vakala na matemba a vikuvo, na nzili, oloni mukavashekamo.”

Yoshwa 17:18 Iomraidhean Croise

Kushangumuka 49:24

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele.

2 Samwele 18:6

Mashwalale va Ndaviti vaile nakulwisa vaIsalele mu shwata ya Efalime.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

Kwituluka mu Mashiko 33:17

Yosefa wakala na nzili ngwe mpakasha wa nkomba wakulivanga kusemuka, nzili yendi yafwile ngwe vimbinga vya ngombe. Nzili yendi inapu ngwe vanu va Manase 1,000 na nzili ya vanu va Efalime 10,000. Ikeyo yafwile ngwe nzili ya mpakasha ativa miyati ya vanu, nakuvanakwila ku shongo ya kaye.”

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”

Yoshwa 13:6

Kukumbasanako na mitambela yoshe ya vaSindone, vaje vakala mu mitambela ya malundu mukati ka Minkinda ya Lembanone nakweta ku Miselefote Maime. Njikashekamo vanu voshe ku mesho a vanu va Isalele. Unapande kupangezela lifuti akati ka vaIsalele, kupwa vushwana vwavo ngwe muje njakushikile ngeci ulingemo.

Yoshwa 15:9

Co nginga yetile akamwa ya lilundu nakweta ku masima a tuvwelu-vwelu a ku Nefetowa, yakengeselele ku vinganda vya muyehi na Munkinda wa Efelone. Co kutunda aje yakengeselele ku Mbala ikeyo Kilyate Njelime,

Yoshwa 17:17

Oloni Yoshwa wendekele ku miyati ya Efalime na Manase wa mu Kangombe ka Yambi ngwendi, “Mwa vushunga munapu muvavangi manene, co yeni lalo muli na nzili manene. Kumwapandele kukala na mutambela umolika embwe.

Yoshwa 20:7

Ngecivene, mu kangombe ka yambi ya Yondau vaangunwine Kendeshe mu Ngalileya, mu lifuti lya malundu lya Nafetali, na Shekeme yakele mu lifuti lya malundu lya Efalime, na Hevelone yakele mu lifuti lya malundu lya Yunda.

1 Samwele 1:1

Kwakele munalume umo lizina lyendi Elekana, wa ku naanga ya Efalime, wakele mu limbo lya Lama, mu lifuti lya malundu lya Efalime. Wapwile muna Yelohame mutekulu wa Elihu, muna Tohu, wa ku cikota ca Zufe.