Yoshwa 17:1 - Livulu lya Shukulu Kalunga

¹ Mutambela wa lifuti wa mu kangombe ka yambi ya Yondau vawanene ku litambelo lya muyati wa Manase muna Yosefa wa ntwatwa. Makile ishe ya Ngilyande, wapwile muna Manase wa ntwatwa, ikeye vamwanene mitambela ya Ngilyande, na Mbashane, mu ngangela ya Yondau, omwo naanga yendi yapwile ya vingenyenye.

Yoshwa 17:1 Iomraidhean Croise

Kushangumuka 41:51

Yosefa walukile munendi wa ntwatwa lizina lyendi Manase, wendekele ngwendi, “Njambi nanjivalesa tuyando twange twoshe amo na naanga yoshe ya tate.”

Kushangumuka 41:52

Yosefa walukile munendi wamucivali lizina lyendi Efalime, wendekele lalo ngwendi, “Njambi nanjana vana mu lifuti lya tuyando twange.”

Kushangumuka 46:20

Yosefa wakitile vana vendi vavali va vanalume mu Ingito, mazina avo, Manase, na Efalime. Vaje vakitile na Asenate muna Potifela, muka-kukombelela mu Helyopolise.

Kushangumuka 48:17

Omo Yosefa wamwene ngeci ishe waakele livoko lyendi lya cilyo a mutwe wa Efalime camuvisile, co wakwatele ku livoko lya ishe ngwendi alitundise a mutwe wa Efalime alyake a mutwe wa Manase.

Kushangumuka 48:18

Yosefa wendekele kuli ishe ngwendi, “Kesi ngacije tate. Manase ikeye ntwatwa, aka livoko lyove lya cilyo a mutwe wendi.”

Kushangumuka 50:23

Ikeye wayoyele, co wamwene vana va Efalime na vatekulyendi. Co lalo wayoyele nakumona vana va Makile muna Manase mu naanga.

2 Samwele 2:9

Co Avinele wapwisile Ishemboshete mwene wa lifuti lya Ngilyande, na Ashele, na Njezelele, na Efalime, na Mbenjemani, na lifuti lyoshe lya Isalele.

1 Mizimbu 2:23

Oloni vumwene vwa Ngeshule na Alama vwahyanene vinganda makumi atanu na limo muje, kuwezelelako membo a Njaile, na Kenate, na vinganda vije vyakele kuyehi. Co vanu voshe vaje vakele muje vapwile vatekulwila va Makile, ishe ya Ngilyande.

Ezekiyele 47:13

Shukulu Kalunga wa Akamwa ya Vyoshe wendekele ngwendi, “Evi vikevyo vinginga vya mu lifuti vije vivakapangezela akati ka miyati likumi na ivali, co muyati wa Yosefa vakatambula mitambela ivali umo wa Manase ukwavo wa Efalime vana va Yosefa.

Ezekiyele 48:4

Manase akatambula mutambela umo wa lifuti kushungama na nginga ya Nafetali mu mbwela. Co liketa ku nginga ya mu kangombe ka yambi kutunda ku nginga ya ku ngangela.

Kulava 26:29

Vatekulwila va Manase vapwile ava. Ku cikota ca Makile, kwatundile vaMakile. Makile wapwile ishe ya Ngilyande. Ku cikota ca Ngilyande, kwatundile vaNgilyande.

Kulava 27:1

Zelofehande wapwile muna Hefele, Hefele wapwile muna Ngilyande, Ngilyande wapwile muna Makile, Makile wapwile muna Manase, Manase wapwile muna Yosefa. Co vana va Zelofehande va vanakazi mazina avo, Mahela, na Nowa, na Hongela, na Mileka, na Tileza.

Kulava 32:33

Ngecivene, Mosesa wapangelele vanu va Ngande, na vanu va Luvena, na litambelo limo lya muyati wa Manase lifuti lyoshe lya Mwene Sihone wa vaAmoli, na lifuti lya Mwene Onge wa ku Mbashane, amo na membo na mitambela yoshe yazengelekele membo aje.

Kwituluka mu Mashiko 21:17

Oloni akaane matambelo avali a vufuko vwendi kuli uje munendi wa munalume wa ntwatwa, nameme kesi ikeye mwana wa kuli munakazi uje wawana vulo. Munalume ou napande kutava munendi wa ntwatwa nakumwana vushwana vwa vu ntwatwa vuje vunapu vwendi.

Yoshwa 17:2

Ngecivene, lifuti lya mu kangombe ka yambi ya Yondau valyanene ku litambelo lya muyati wa Manase vaje vasaleleo, Ambiyezele, na Heleke, na Asilyele, na Shekeme, na Hefele, na Sheminda. Ava vakevo vapwile vatekulwila va vanalume va Manase muna Yosefa, co vakevo vapwile vakulunu va vikota vyavo.

Yoshwa 22:7

Co capwile ngeci, litambelo limo lya muyati wa Manase, Mosesa wavaanene vushwana vwavo mu Mbashane mu ngangela ya Yondau, oloni ku litambelo likwavo Yoshwa wavaanene vushwana akati ka vandolome vavo mu kangombe ka yambi ya Yondau. Co omo Yoshwa wavelwisile ku membo avo, wavavezikisile.

Maako 5:14

Vatundile ku Efalime nakwija mu cana, valilile ngwavo, “Tunaija nakumikwasa, yeni vanu va Mbenjemani, vavushoko vweni vali kuno.” Co vaka-kushika vezile kutunda kuli Makile, co vamyata vashelumukile kutunda kuli Zembuloni.