Yoshwa 16:10 - Livulu lya Shukulu Kalunga

¹⁰ Oloni vaEfalime kuvashekelemo vaKanana vaje vakele mu Ngezele, ngecivene, vaKanana vacili nakukala akati ka vaEfalime na lelo lino, oloni valinakuvapangesa ngwe vindungo.

Yoshwa 16:10 Iomraidhean Croise

1 Vimyene 9:15

Mwene Solomoni wapangesele vanu vipangi vyakutunga Njuvo ya Shukulu Kalunga na lipela, nakwofwela mu vimbulu ku mutambela wa mu ngangela ya nganda, nakutunga civumbe ca nganda. Co wavapangesele lalo kutungulula vinganda vya Hazole, na Mengindo, na Ngezele.

1 Vimyene 9:16

(Mwene wa Ingito walwisile Ngezele nakuyifungulula, watsiile vaje vatungilemo, co wenyekele ije nganda. Asinoni wayanene kuli munendi wa munakazi kupwa vwana omo washombokele kuli Solomoni,

1 Vimyene 9:21

oloni vatekulwila vavo vasalele mu lifuti, omwo vaIsalele kuvavatsiile, vakevo vaje Solomoni wapwisile vindungo vakumupangela na lelo lino.

2 Mizimbu 8:8

vatekulwila va vaje vasalele mu lifuti, vaje vanu va Isalele kuvavanyongesele, co Solomoni wavapwisile vindungo kweta na ku lelo lino.

Yoshwa 10:33

Mwene Holame wa ku Ngezele wezile nakukwasa Lakishe, oloni Yoshwa wamufungulwile na mashwalale vendi, co naumo wai wasaleleo na mwonyo.

Yoshwa 15:63

Oloni vanu va Yunda kuvashekelemo vaNjevushi vaje vakele mu Yelusalema. Ngecivene, vaNjevushi na lelo lino vacili nakukala amolika na vanu va Yunda.

Yoshwa 16:9

kukumbasanako na vinganda vimo na tumembo tuje twakele ku nginga ya Manase, oloni vavyanene kuli vaEfalime.

Yoshwa 17:12

Oloni vatekulwila va Manase, kuvasele kushekamo vanu vaje vakele muje mu vinganda, ngecivene, vaKanana vakele nakuyoyelamo.

Yoshwa 17:13

Nameme omo vaIsalele vapwile vaka-nzili, kuvashekelemo vaKanana voshe embwe, oloni vavapangesele ngwe vindungo.

Maako 1:29

Co vanu va muyati wa Efalime kuvashekele vaKanana vaje vakele mu nganda ya Ngezele, oloni vaKanana vatwaleleo kukala amo navo muje.