Vana va Kalembi ndolome ya Njelahamele, vapwile Mesha munendi wa ntwatwa. Co Mesha wapwile ishe ya Zife, Zife wapwile ishe ya Malesha, Malesha wapwile ishe ya Hevelone.
Saulu wasanene mashwalale vendi amolika, co wavelwile ku Teleme, kuje kwakele mashwalale vakupwa 200,000 ku Isalele, na mashwalale vakupwa 10,000 ku Yunda.
Ndaviti wavandele mu lifuti lya malundu, mu mambo kuyehi na Zife. Simbu yoshe Saulu wesekele manene ngeci awane Ndaviti, oloni Njambi kakundikile Ndaviti mu mavoko a Saulu.
Vanu vamo vatundile ku Zife, vaile ku Ngimbeya kuli Saulu, vamulekele ngwavo, “Ndaviti navanda mu lifuti lyetu ku Holeshe a Munkinda wa Hakila, ku mutambela wa mu mbwela mu mambo ya Yundeya.
Ngecivene, vasezele Saulu velukile ku Zife. Ndaviti na vanu vendi vakele mu mambo ya Mayone, mu cana cangoco ku mutambela wa mu mbwela ya mambo ya Yundeya.
