Yoshwa 15:14 - Livulu lya Shukulu Kalunga

¹⁴ Co muje mu nganda Kalembi washekelemo vatekulwila va Anake, vikota vya Sheshai, na Ahimane, na Talemai.

Yoshwa 15:14 Iomraidhean Croise

2 Samwele 21:16

Likisi-kisi umo lizina lyendi Ishembimbenombe, wambatele likunga lya vunengu vulemu vwalyo vwapwile makilo atatu na litambelo washwelele mukwale wauwa, co ikeye wayongwele ngeci atsiye Ndaviti.

Kulava 13:33

Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”

Kwituluka mu Mashiko 9:2

Co vanu vamwo vapwa vavalaja na nzili, vakevo vatekulwila va makisi-kisi, mwavazivuka laja ngwavo naumo wai asa kulwa navo nakuvafungulula.

Yoshwa 11:21

A simbu ije Yoshwa waile nakunyongesa muyati wa makisi-kisi vaje vavatumbwile ngwavo vaAnakime, vaje vakele mu lifuti lya malundu mu Hevelone, na Ndembile, na Anambe, na mu malundu a lifuti lya Yunda mwoshe na mu lifuti lya malundu lya Isalele lyoshe. Co Yoshwa wavanyongesele voshe amo na vinganda vyavo.

Yoshwa 11:22

KaAnakime naumo wai wasalele mu lifuti lya Isalele, kuvanga vavandondo lika vasalele mu Ngaza, na mu Ngate, na mu Ashendonde.

Maako 1:10

Co vaile nakulwisa vaKanana vaje vakele mu nganda ya Hevelone, laja Hevelone vaitumbwile ngwavo Kilyate Alemba. Co kuje vakafungulwile vikota vya Sheshai, na Ahimene, na Talemai.

Maako 1:20

Co Hevelone vayanene kuli Kalembi, ngwe muje mwashikile Mosesa, uje washekelemo vikota vitatu vyakutunda kuli vaAnake.