Yoshwa 14:3 - Livulu lya Shukulu Kalunga

³ Mosesa walivangele kwana vushwana ku miyati ije ivali na litambelo vaje vakele mu ngangela musambwa ya Yondau, oloni kaanene vushwana akati ka vaLevi vwai,

Yoshwa 14:3 Iomraidhean Croise

Ezekiyele 45:1

Omo mulitavwila lifuti kwana ku muyati umo na umo, co vangununeko mutambela umo vaukundike kuli Shukulu Kalunga. Unapande kupwa makilomita likumi na avali na litambelo mu vulaja, co mu vwihi makilomita likumi. Mutambela woshe ukapwa wakujela.

Yoshwa 12:6

Vimyene ava vavali wavafungulwile Mosesa na vanu va Isalele. Mosesa ngamba ya Shukulu Kalunga waanene lifuti lyavo ku miyati ya Luvena na Ngande na litambelo lya muyati wa Manase, kupwa vushwana vwavo.

Yoshwa 13:14

Mosesa kaanene mutambela wa lifuti ku muyati wa vaLevi kupwa vushwana vwavo, kuvanga lika vin̄ombelo vya kwenyeka a mutula kuli Shukulu Kalunga Njambi ya Isalele, vikevyo vyapwile vushwana vwavo ngwe muje mwamushikile Shukulu Kalunga.

Yoshwa 13:16

Co lifuti lyavo lyashangumukilile ku Aloele kutwala kumukulo wa cana ca Ndonga ya Alenone, na nganda yakele mukati ka cana cije, kukumbasanako na lifuti lyakushalama nakweta ku Mendeva.

Yoshwa 13:17

Wakumbasaneneko na Heshevone na vinganda vyoshe vya aje akushalama, Ndimbone, na Mbamote Mbale, na Mbete Mbalemeone,

Yoshwa 13:8

Miyati ya Luvena, na Ngande na litambelo limo lya muyati wa Manase vatambwile lifuti lije lyavaanene Mosesa ngamba ya Shukulu Kalunga, likelyo lyakele mu ngangela ya Ndonga ya Yondau.