Yoshwa 14:14 - Livulu lya Shukulu Kalunga

¹⁴ Ngecivene, Hevelone na lelo lino yapwa vushwana vwa naanga ya Kalembi muna Njefune kaKeni, omwo ikeye wakulaelele nakwononoka Shukulu Kalunga Njambi ya Isalele na mbunge yendi yoshe.

Yoshwa 14:14 Iomraidhean Croise

Kushangumuka 37:14

Co ishe wamulekele ngwendi, “Ya ukamone vandolome vove nga vanenduka mwamuvwa na matanga oshe. Co ukeluke wakunjilekeko.” Ngecivene, ishe wamutumine ku vungenzi vwendi kutunda ku Cimbongo ca Hevelone. Asinoni Yosefa wetele ku Shekeme.

1 Mizimbu 6:41

muna Eteni, muna Zela, muna Andaya,

2 Mizimbu 15:7

Oloni yeni munapande kukolesa kesi muzeye embwe. Omwo vakamyana cikandelela a vipangi vije mulinakupanga.”

Kulava 13:6

ku muyati wa Yunda ntwama wapwile Kalembi muna Njefune,

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

Yoshwa 11:23

Ngecivene, Yoshwa wafungulwile lifuti lyoshe ngwe muje mwashikile Shukulu Kalunga kuli Mosesa. Yoshwa walyanene kuli vaIsalele kupwa vushwana vwavo, co wavapangezelelelyo mu mitambela yavo na mu miyati yavo. Co kukwakele nzita.

Yoshwa 14:13

Asinoni Yoshwa wavezikisile Kalembi muna Njefune, co wamwanene nganda ya Hevelone kupwa vushwana vwendi.

Yoshwa 14:15

Co a simbu yalaja, Hevelone vaitumbwile ngwavo nganda ya Alemba. (Alemba ikeye wapwile kaAnakime, munalume watuvakanene vaAnakime voshe.) Co kwakele kwoloka mu lifuti.