Yoshwa 14:12 - Livulu lya Shukulu Kalunga

¹² Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

Yoshwa 14:12 Iomraidhean Croise

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

Myaso 44:3

Vanu vove kuvafungulwile lifuti lije na mikwale yavo embwe, nambe kushwana lifuti mu nzili yavo embwe, oloni eyi yapwile nzili yove na moko yove, a lizivasano lyove, nakuvamwesa ngeci yove wavazema.

Myaso 60:12

Omwo tuli amo na Njambi tukahyana, ikeye akafungulula vitozi vetu.

Kulava 13:28

Oloni vaje vanu vakalamo vapwa vaka-nzili manene, na vinganda vyavo vyakama manene, vyakala mu vimpaka vyakukola manene. Vunene, twakamwene lalo vatekulwila va Anakime vakevo makisi-kisi vakala muje.

Kulava 13:33

Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”

Kulava 21:34

Oloni Shukulu Kalunga wendekele kuli Mosesa ngwendi, “Kesi umuzivile lyova embwe. Njikakwana nzili yakumufungulula, na vanu vendi voshe, na lifuti lyendi. Co ukalinga kuli ikeye ngwe muje walingile kuli Sihone, mwene wa vaAmoli, uje washwanene mu Heshevone.”

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

Kwituluka mu Mashiko 9:1

“Tolilileni yeni vanu va Isalele! Ku litangwa lya lelo muli kuyehi nakujavuka Ndonga ya Yondau, nakushwana lifuti lije lya miyati ije yakama ya nzili kutuvakana yeni. Vinganda vyavo vyakama, vili na vivumbe vyaketa ndo na kwilu.

Kwituluka mu Mashiko 9:3

Ngecivene, zivukeni ku litangwa lya lelo ngweni Shukulu Kalunga Njambi akaya kulutwe lweni ngwe tuhya twa vukalu manene, ikeye akavanyongesa nakuvafungulula ku mesho eni, ngecivene, mukavasheka nakuvanyongesa vwasi-vwasi, ngwe mwamikulaesele Shukulu Kalunga.

Filipu 4:13

Njasa kulinga vyuma vyoshe a nzili ije yananjana Kilistu.

VaHevelu 11:33

Akukulaela vakevo valwisilile mafuti, co vahyanene. Valingile vya vushunga, co vatambwile vije vyavakulaesele Njambi. Vashokele tunwa twa vindumba,

Yoshwa 15:14

Co muje mu nganda Kalembi washekelemo vatekulwila va Anake, vikota vya Sheshai, na Ahimane, na Talemai.

Maako 1:20

Co Hevelone vayanene kuli Kalembi, ngwe muje mwashikile Mosesa, uje washekelemo vikota vitatu vyakutunda kuli vaAnake.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”