Yoshwa 13:6 - Livulu lya Shukulu Kalunga

⁶ Kukumbasanako na mitambela yoshe ya vaSindone, vaje vakala mu mitambela ya malundu mukati ka Minkinda ya Lembanone nakweta ku Miselefote Maime. Njikashekamo vanu voshe ku mesho a vanu va Isalele. Unapande kupangezela lifuti akati ka vaIsalele, kupwa vushwana vwavo ngwe muje njakushikile ngeci ulingemo.

Yoshwa 13:6 Iomraidhean Croise

Myaso 80:8

Twapwile ngwe mukolovozi wa vushuka vwa vinyu uje uwatundisile ku Ingito, washekelemo miyati ya mu Kanana, co waukunine mu lifuti lyavo.

Kulava 33:54

Co mukashwana lifuti nakulipangelalyo akati ka miyati yeni na vikota vyeni akuta n̄ela, mukaana mutambela wakama kuli vaje vavangi, na mutambela waundondo kuli vaje vavandondo.

Yoshwa 1:6

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 11:12

Yoshwa wafungulwile vinganda vyoshe vije na vimyene vamwo, co vatsiile nakunyongesa vanu voshe vaje vakele muje ngwe muje mwashikile Mosesa ngamba ya Shukulu Kalunga.

Yoshwa 11:8

Shukulu Kalunga wavakundikile ku mavoko a vaIsalele, co vaIsalele vavalwisile nakuvashekela kukunto ku Miselefote Maime, na Sindone, co vetele kungangela na ku cana ca Mizipa. Ngecivene, nzita yakeleko noo vavatsiile voshe.

Yoshwa 13:7

Ngecivene, ololo, pangezela lifuti eli akati ka miyati ije yasaleleo, itanu na iwana na litambelo lya muyati wa Manase, ngeci lipwe vushwana vwavo.”

Yoshwa 23:13

mwa vushunga vene zivukeni ngweni Shukulu Kalunga Njambi yeni kakasheke lalo miyati eyi ili kulutwe lweni. Oloni, vakevo vakapwa vushonde kuli yeni ngwe mweto nambe ngwe mbulu, co vakamivavalesa ngwe makote ku vimati vyeni, ngwe mambimbo mu mesho eni. Noo mukanyonga mu lifuti eli lyalivwa lyanamyana Shukulu Kalunga Njambi yeni.

Yoshwa 23:4

Njinaana vushwana ku miyati yeni livu lya miyati ije inasalako, amo neli lya miyati yoshe ije injinafungulula, kutunda ku Ndonga ya Yondau mu ngangela kweta ku Lishali lya Menditelenyani mu kangombe ka yambi.

Yoshwa 23:5

Shukulu Kalunga Njambi yeni ikeye vavenya akavasheka kulutwe lweni, co akavashekela kulyala omo yeni mulinakuya kulutwe. Co mukashwana lifuti lyavo, ngwe muje mwamikulaesele Shukulu Kalunga Njambi yeni.