Yoshwa 13:5 - Livulu lya Shukulu Kalunga

⁵ na lifuti lya vaNgembale, na mu ngangela ya Lembanone mwoshe, kutunda ku Mbalengande, ije yakala mu mbwela ya Munkinda wa Helemone, nakweta ku Ngila ya Hamate.

Yoshwa 13:5 Iomraidhean Croise

1 Vimyene 5:18

Vanu va Solomoni, na vanu va Hilame, na vanalume vaje vatundile mu nganda ya Ngembale vavwaesele mamanya na viti vyakutungisa Njuvo ya Shukulu Kalunga.

1 Vimyene 8:65

Co Solomoni na vanu voshe va Isalele valingile Ciwano ca Mapapela a matangwa atanu na avali

Myaso 83:7

na vanu va ku Ngembale na vanu va ku Amoni, na vanu va ku Amaleke na vanu va ku Filisitiya na vanu va ku Tile.

Isaya 10:9

Njafungulwile vinganda vya Kaleno na Kalekemishe, na vinganda vya Hamate na Alepande. Njafungulwile Samaliya na Ndamasiku.

Njelemiya 52:9

Zendekiya vamutwalele kuli Mwene Nevukaneza, uje wakele mu nganda ya Limbena mu lifuti lya Hamate, co Nevukaneza wamusompesele nakuwana ngeci ali na mulonga.

Ezekiyele 27:9

Vaka-kushonga vwato vapwile vaka-kulilongesa manene va ku Ngembale. Vaka-kujavula vatundile ku mitambela yoshe, valandele mu mavenda a mu vikuma vyove.’

Amose 6:2

Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi?

Kulava 13:21

Ngecivene, vaje vanu vaile, co vakanengele lifuti kutunda mu Mambo ya Zine mu mbwela kweta na ku Lehombe, kuyehi na Cikolo ca Hamate ku kunto.

Kulava 34:8

Kutunda kuje iketa ku Ngila ya ku Hamate. Co iketa ku Zendande,

Kwituluka mu Mashiko 1:7

Katukeni muye kulutwe, ku lifuti lya malundu lya vaAmoli, na ku lifuti lyoshe lije lyazengelekako, na ku Cana ca Yondau, na ku lifuti lya malundu, na ku cikulo, na mu mbwela, na ku ngenge ya Lishali lya Menditelenyani. Yeni mu lifuti lya Kanana, na musambwa ya Minkinda ya Lembanone, kweta na ku Ndonga yakama ya Yufuleti.

Kwituluka mu Mashiko 3:25

Shukulu Kalunga njitave njijavuke Ndonga ya Yondau, ngeci njikamone lifuti lije lyalivwa lya malundu na Minkinda ya Lembanone.’

Yoshwa 11:17

Co Yoshwa wafungulwile vimyene voshe va mu mitambela ije nakuvatsiya, kutunda ku Munkinda wa Halake mu mbwela kuyehi na Endome, kweta na ku Mbalengande ku kunto, mu cana ca Lembanone ku mbwela ya Munkinda wa Helemone.

Yoshwa 11:3

Co watumine lalo lijwi kuli vaKanana vaje vakele mu ngangela na mu kangombe ka yambi ya Yondau, na kuli vaAmoli, na kuli vaHiti, na kuli vaPelezi, na kuli vaNjevushi vaje vakele mu lifuti lya malundu, na vaHivi lalo vaje vakele kwisi ya Munkinda wa Helemone mu lifuti lya Mizipa.

Yoshwa 12:7

Yoshwa na vanu va Isalele vafungulwile vimyene voshe vaje vakele mu kangombe ka yambi ya Yondau, kutunda ku Mbalengande mu cana ca Lembanone nakweta ku Munkinda wa Halake mu mbwela kuyehi na Endome. Yoshwa wapangezelele lifuti eli akati ka miyati ya Isalele kupwa vushwana vwavo ngwe ku miyati yavo.