Yoshwa 13:14 - Livulu lya Shukulu Kalunga

¹⁴ Mosesa kaanene mutambela wa lifuti ku muyati wa vaLevi kupwa vushwana vwavo, kuvanga lika vin̄ombelo vya kwenyeka a mutula kuli Shukulu Kalunga Njambi ya Isalele, vikevyo vyapwile vushwana vwavo ngwe muje mwamushikile Shukulu Kalunga.

Yoshwa 13:14 Iomraidhean Croise

Ezekiyele 44:28

“Vaka-kukombelela vali na vuka-kukombelela kupwa mutambela wa vukwasi vwavo vuje vunjinana kuli Isalele kutunda ku cisemwa cimo nakweta ku cisemwa cikwavo. Kuvapandele kukala na vufuko mu Isalele, yange njikavana vyoshe vivashaka.

Ezekiyele 44:29

Milambu ya vimbuto vya vinona, na milambu ya a vuvi, na milambu yakuliilwisila vikapwa vyakulya vya vaka-kukombelela, co vakatambula vyuma vyoshe mu Isalele vije vivanakundika vyoshe kuli yange.

Kwituluka mu Mashiko 10:9

Omu mukemwo muyati wa Levi kuvesi na mutambela nambe vushwana akati ka vandolome vavo. Shukulu Kalunga ikeye vushwana vwavo ngwe muje mwavalekele Shukulu Kalunga Njambi yeni.)

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 12:19

Ngecivene, nyanyameni kesi mukevale vaLevi simbu yoshe ije mukakala mu lifuti lyeni.

Yoshwa 13:13

Nameme ngoco, vaIsalele kuvashekele vaNgeshule, na vaMaka embwe, oloni na lelo lino vacili nakukala mu Isalele.

Yoshwa 13:15

Mosesa waanene mutambela wa lifuti ku muyati wa Luvena kupwa vushwana vwavo.

Yoshwa 13:33

Oloni Mosesa kaanene mutambela umo kupwa vushwana vwa muyati wa vaLevi, omwo ikeye wavalekele ngeci Shukulu Kalunga Njambi ya Isalele ikeye akapwa vushwana vwavo.

Yoshwa 18:7

Nameme ngoco, vaLevi kuvakatambula mutambela umo wa lifuti kupwa vushwana vwavo amo neni, omwo vushwana vwavo vwapwa vwa vuka-kukombelela. Mwa vushunga vene, miyati ya Ngande, na Luvena, na litambelo lya Manase wa mu Ngangela vanatambula laja livu lyavo mu ngangela ya Yondau, lije lyavaanene Mosesa ngamba ya Shukulu Kalunga.”