Yoshwa 12:5 - Livulu lya Shukulu Kalunga

⁵ Co ku vumwene vwendi wakumbasaneneko Munkinda wa Helemone, na Saleka, na Mbashane yoshe nakweta ku vinginga vya Ngeshule, na Maka, na litambelo lya Ngilyande, nakweta ku nginga ya Sihone mwene wa ku Heshevone.

Yoshwa 12:5 Iomraidhean Croise

2 Samwele 13:37

Oloni Avisalome watewele, waile kuli Talemai muna Amihunde, mwene wa ku Ngeshule. Co Ndaviti walilile munendi Aminone simbu yakama.

2 Samwele 15:8

Omo njakele mu Ngeshule mu Silya, njakulaesele Shukulu Kalunga ngwange nga akanjiilwisila ku Yelusalema, co njikamukombelela n̄ombelo ku Hevelone.”

2 Samwele 23:34

Na Elifelete muna Ahashimbai wa ku Maka, na Elyame muna Ahitofele wa ku Ngilo,

2 Samwele 3:3

wamucivali Kilyave, vaina Avingaile, fwile ya Navale, wa ku Kalemele, wamucitatu Avisalome, vaina Maka, muna Talemai mwene wa ku Ngeshule,

2 Vimyene 25:23

Omo vamyata va vaYunda na mashwalale vaje kuvaliitile vazivile evi, co vakalikumbasanene na Ngendaliya ku Mizipa. Vamyata ava vapwile Ishimela muna Netaniya na Yohanane muna Kaleya na Selaya muna Tanehumete wa ku nganda ya Netofa na Njezaniya wa ku Maka.

1 Mizimbu 5:11

Muyati wa Ngande vakele ku kunto ya Luvena mu lifuti lya Mbashane nakweta mu ngangela ku Saleka.

Njelemiya 40:8

Ngecivene, Ishimela muna Netaniya, na Yohanane muna Kaleya, na Selaya muna Tanehumete, na vana va Efai va ku Netofa, na Njezaniya wa ku Maka vaile na vanu vavo kuli Ngendaliya ku Mizipa.

Kwituluka mu Mashiko 3:14

Njaile mutekulwila wa Manase, ikeye wafungulwile lifuti lyoshe lya Alengove. Eli likelyo lyapwile lifuti lya Mbashane, nakweta ku nginga ya Ngeshule na Maka. Co ikeye walukile membo aje lizina lyendi vavenya, co na lelo lino vacili nakuwatumbula ngwavo membo a Njaile.)

Yoshwa 11:3

Co watumine lalo lijwi kuli vaKanana vaje vakele mu ngangela na mu kangombe ka yambi ya Yondau, na kuli vaAmoli, na kuli vaHiti, na kuli vaPelezi, na kuli vaNjevushi vaje vakele mu lifuti lya malundu, na vaHivi lalo vaje vakele kwisi ya Munkinda wa Helemone mu lifuti lya Mizipa.

Yoshwa 12:1

Vanu va Isalele vafungulwile nakutambula lifuti lya mu ngangela musambwa ya Ndonga ya Yondau, kutunda ku Cana ca Alenone nakulamata ku Cana ca Yondau nakweta ku kunto ku Munkinda wa Helemone. Co vakevo vafungulwile vimyene vavali.

Yoshwa 13:11

Kukumbasanako na Ngilyande, na mitambela ya vaNgeshule, na vaMaka, na Munkinda woshe wa Helemone, na Mbashane yoshe kweta na ku Saleka.

1 Samwele 27:8

Co tunde a simbu ije, Ndaviti na vanu vendi vaile nakulwisa vaNgeshule, na vaNgilezi, na vaAmaleke, vaje vakele muje simbu yakama manene. Ikeye wakele nakulwisa lifuti lyavo kweta ku Shule, co kutunda kuje nakweta ku Ingito,