Yoshwa 12:2 - Livulu lya Shukulu Kalunga

² Umo wapwile Sihone, mwene wa vaAmoli uje washwanene ku Heshevone. Ku vushwana vwendi wakumbasaneneko na litambelo lya Ngilyande, kutunda ku nginga ya Aloele na ku Cana ca Ndonga ya Alenone na ku nganda ili mukati ka cana, nakweta ku Ndonga ya Njavoke, eyi ikeyo nginga ya vaAmoni,

Yoshwa 12:2 Iomraidhean Croise

Kushangumuka 32:22

A vutsiki vuje Yakomba wendukile, waile na vanakazi vendi vavali, na mashano vendi va mbanja vavali, amo na vana vendi va vanalume likumi na umo, co vajavukile Ndonga ya Yamboke.

1 Mizimbu 5:8

na Mbela, muna Azaze, na mutekulyendi Shema wa ku cikota ca Njwele, vanu vaka-cikota eci vakele mu Aloele na mu mutambela wakutunda ku kunto ku Nembo, na Mbale Meone.

Nehemiya 9:22

“Yove wavatavele kufungulula miyati na vumwene, na mafuti aje alitwile nginga navo. Vafungulwile lifuti lya Heshevone, lije lyashwanene Mwene Sihone, na mwene Onge wa lifuti lya Mbashane.

Myaso 135:11

Sihone, mwene wa vaAmoli, na Onge, mwene wa ku Mbashane, na vimyene voshe va mu Kanana.

Njelemiya 48:19

Yeni mwakala mu Aloele, imaneni kumukulo wa ngila muvandamene, ihuleni vaje valinakutewa na vaje vanovokako, vehuleni ngweni, ‘Vikajo mulinakutewa?’

Kwituluka mu Mashiko 1:4

Eci calingiwile omo Shukulu Kalunga nafungulula laja Mwene Sihone wa vaAmoli, uje washwanene mu nganda ya Heshevone, na Mwene Onge wa Mbashane, uje washwanene mu vinganda vya Ashetalote, na Endele.

Maako 11:13

Co uje mwene wa vaAmoni wakumbulwile tunganda va Njefeta ngwendi, “Omo vaIsalele vatundile mu lifuti lya Ingito, vatambwile lifuti lyange kutunda ku Ndonga ya Alenone, nakweta ku Ndonga ya Njavoke, na ku Ndonga ya Yondau. Co ololo munapande mwecele lifuti lyange mu kwoloka.”

Maako 11:22

Co vatambwile mutambela woshe wa vaAmoli kutunda ku Alenone mu mbwela kutwala ku Njavoke ku kunto, co kutunda mu mambo mu ngangela nakutwala ku Yondau mumkangombe ka yambi.