Yoshwa 12:1 - Livulu lya Shukulu Kalunga

¹ Vanu va Isalele vafungulwile nakutambula lifuti lya mu ngangela musambwa ya Ndonga ya Yondau, kutunda ku Cana ca Alenone nakulamata ku Cana ca Yondau nakweta ku kunto ku Munkinda wa Helemone. Co vakevo vafungulwile vimyene vavali.

Yoshwa 12:1 Iomraidhean Croise

1 Vimyene 4:19

Ngembele muna Uli, ku lifuti lya Ngilyande, lije lyashwanene Mwene Sihone wa vaAmoli, na Mwene Onge wa ku Mbashane. Ku ava likumi na vavali, kwakele nguvulu umolika mu lifuti lyoshe lya Yunda.

Myaso 133:3

Cinafu lalo ngwe lime lya ku Munkinda wa Helemone, lije lijemukila a malundu a Siyone, kuje Shukulu Kalunga wakulaesele kuvezikisa vanu vendi, kuvavezikisa mwonyo wa ku myaka yoshe.

Myaso 136:21

Ikeye waanene lifuti lyavo kuli vanu vendi, omwo cizemo cendi cije kucesi kutenguluka cakala ku myaka yoshe.

Myaso 89:12

Yove watangele kunto na mbwela, Munkinda wa Tambole, na Munkinda wa Helemone ilinakwimba kuli yove nakujolela.

Isaya 16:2

Co vavandamene ku ngenge ya Ndonga ya Alenone nakwendangana noku-noku, ngwe tuzila vaje vavanasheke a mashwa avo.

Kulava 21:13

Co kutunda kuje vajalukile lalo, vatungile cilombo cavo ku kunto ya Ndonga ya Alenone, mu mambo ije yeta mu lifuti lya vaAmoli. Ndonga ya Alenone ikeyo yapwile nginga mukati ka vaMowavi na vaAmoli.

Kulava 21:21

Asinoni vanu va Isalele vatumine tunganda kuli Mwene Sihone wa vaAmoli vendekele ngwavo,

Kulava 21:24

Oloni vaIsalele vamutsiile mu nzita amo na vanu vendi vavangi, co vafungulwile lifuti lyavo, kutunda ku Ndonga ya Alenone ku kunto ya lifuti lya Njavoke, likelyo lifuti lya vaAmoni, omwo nginga ya vaAmoni vainyungile manene.

Kulava 32:19

Kutukatambulako lalo vufuko kuli vakevo musambwa ya Yondau omwo tunatambula laja vufuko vwetu muno mu ngangela ya Yondau.”

Kulava 32:32

A lishiko lya Shukulu Kalunga tukajavuka musambwa ya Yondau nakukovela mu lifuti lya Kanana na vitwa vya nzita, oloni tukashwana vushwana vwetu musambwa lino lya Yondau mu ngangela.”

Kulava 32:33

Ngecivene, Mosesa wapangelele vanu va Ngande, na vanu va Luvena, na litambelo limo lya muyati wa Manase lifuti lyoshe lya Mwene Sihone wa vaAmoli, na lifuti lya Mwene Onge wa ku Mbashane, amo na membo na mitambela yoshe yazengelekele membo aje.

Kwituluka mu Mashiko 2:24

“Co Shukulu Kalunga wendekele kuli yetu ngwendi, ‘Ololo katukeni mujavuke Ndonga ya Alenone. Kengeni, Mwene Sihone wa vaAmoli wa ku Heshevone, njinamwaka mu mavoko eni amo na lifuti lyendi. Mulwiseni, ngeci mukatambule lifuti lyendi.

Kwituluka mu Mashiko 2:32

Sihone wezile na vanu vendi voshe mukulwa netu kuyehi na nganda ya Njahaze,

Kwituluka mu Mashiko 3:1

“Asinoni twaile ku kunto mu ngila yakuya ku Mbashane, co Mwene Onge wezile na vanu vendi voshe nakulwa netu kuyehi na nganda ya Endelei.

Kwituluka mu Mashiko 4:44

Awa akewo mashiko a Njambi aje aanene Mosesa kuli vanu va Isalele nakuvalongesawo.

Kwituluka mu Mashiko 4:46

Vakele mu cana ca mu ngangela ku Yondau, calishungama na nganda ya Mbetepeole, mu lifuti lya Sihone mwene wa vaAmoli, uje washwanene mu Heshevone. Vamufungulwile kuli Mosesa na vanu va Isalele omo vatundile ku Ingito.

Kwituluka mu Mashiko 4:48

Co lifuti eli lyaamene kutunda ku nganda ya Aloele ku ngenge ya Ndonga ya Alenone, kutwala na ku kunto ku Munkinda wa Silyone, ukewo vene Munkinda wa Helemone.

Yoshwa 1:15

kuvanga noo vanatambula lifuti lije lili mu kangombe ka yambi ya Yondau lije lyanavana Shukulu Kalunga Njambi yeni. Omo vanashwana laja lifuti lije lyanavana Shukulu Kalunga Njambi yeni, asinoni mukeluka nakutunga muno mu lifuti lyeni mu ngangela ya Yondau, eli lyamyanene Mosesa ngamba ya Shukulu Kalunga.”

Yoshwa 11:17

Co Yoshwa wafungulwile vimyene voshe va mu mitambela ije nakuvatsiya, kutunda ku Munkinda wa Halake mu mbwela kuyehi na Endome, kweta na ku Mbalengande ku kunto, mu cana ca Lembanone ku mbwela ya Munkinda wa Helemone.

Yoshwa 11:3

Co watumine lalo lijwi kuli vaKanana vaje vakele mu ngangela na mu kangombe ka yambi ya Yondau, na kuli vaAmoli, na kuli vaHiti, na kuli vaPelezi, na kuli vaNjevushi vaje vakele mu lifuti lya malundu, na vaHivi lalo vaje vakele kwisi ya Munkinda wa Helemone mu lifuti lya Mizipa.

Yoshwa 13:8

Miyati ya Luvena, na Ngande na litambelo limo lya muyati wa Manase vatambwile lifuti lije lyavaanene Mosesa ngamba ya Shukulu Kalunga, likelyo lyakele mu ngangela ya Ndonga ya Yondau.

Yoshwa 22:4

Co ololo, Shukulu Kalunga Njambi yeni naana kwoloka kuli vandolome veni vaIsalele ngwe muje mwamikulaesele. Ngecivene, ilukeni kwimbo ku lifuti lije limwalombele kupwa vushwana vweni, lifuti lya mu ngangela ya Yondau, lije lyamyanene Mosesa ngamba ya Shukulu Kalunga.

Maako 11:18

Co vatuvakanene mu mambo, vaile nakulizenga mu lifuti lya Endome na mu lifuti lya Mowavi, noo vezile ku mutambela wa mu ngangela ya Mowavi, ku mutambela ukwavo wa Ndonga ya Alenone. Co vatungile cilombo cavo kuje, oloni kuvajavukile Alenone omwo ikeyo yapwile nginga ya Mowavi.