Yoshwa 11:21 - Livulu lya Shukulu Kalunga

²¹ A simbu ije Yoshwa waile nakunyongesa muyati wa makisi-kisi vaje vavatumbwile ngwavo vaAnakime, vaje vakele mu lifuti lya malundu mu Hevelone, na Ndembile, na Anambe, na mu malundu a lifuti lya Yunda mwoshe na mu lifuti lya malundu lya Isalele lyoshe. Co Yoshwa wavanyongesele voshe amo na vinganda vyavo.

Yoshwa 11:21 Iomraidhean Croise

Njelemiya 3:23

Kutwawanene vukwasi akulemesa vinjambi vetu vakujeneka seo akamwa ya malundu. Vukwasi vwa Isalele vwatunda lika kuli Shukulu Kalunga Njambi yetu.

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Amose 2:9

“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke.

Kulava 13:33

Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

Kwituluka mu Mashiko 2:21

Vakevo vapwile vavalaja na vukama, co lalo vapwile vavangi ngwe vaAnakime muyati wa makisi-kisi. Oloni Shukulu Kalunga wavanyongesele ku mesho a vaAmoni, ngecivene, vaAmoni vatambwile lifuti lyavo, co vatungilemo.

Kwituluka mu Mashiko 9:2

Co vanu vamwo vapwa vavalaja na nzili, vakevo vatekulwila va makisi-kisi, mwavazivuka laja ngwavo naumo wai asa kulwa navo nakuvafungulula.

Yoshwa 10:42

Yoshwa wafungulwile vimyene voshe ava na mitambela yavo mu simbu imolika omwo Shukulu Kalunga Njambi ya Isalele, waamenene vaIsalele nakuvalwilako.

Kujombolola 6:2

Njakengele, co kwakele kavalu wakutoka. Uje walondeleo wakwatele vuta vwa lusipa, co vamwanene cilongo. Wakatukile ngwe muka-kuhyana aya mukuhyana.

Maako 1:20

Co Hevelone vayanene kuli Kalembi, ngwe muje mwashikile Mosesa, uje washekelemo vikota vitatu vyakutunda kuli vaAnake.