Yoshwa 11:15 - Livulu lya Shukulu Kalunga

¹⁵ Shukulu Kalunga washikile mashiko awa ngamba yendi Mosesa, co Mosesa nendi lalo washikile Yoshwa, co Yoshwa waononokele. Ngecivene, Yoshwa walingile vyuma vyoshe vije vyashikile Shukulu Kalunga kuli Mosesa.

Yoshwa 11:15 Iomraidhean Croise

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

Kulava 33:50

Shukulu Kalunga wendekele kuli Mosesa mu vyana vya Mowavi ku Yondau vyashungama na Yeliko ngwendi,

Kulava 33:52

munapande kushekamo voshe vaje vatungamo, nakunyongesa tumponya twavo twa mamanya, na vikuvo, nakusiwula mitula ije ivakalemesela.

Mateo 23:23

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo.

Luka 11:42

“Tuyando tweni, vaFaliseo! Yeni mukaana kuli Njambi camulikumi a vyuma mukatovesa vyakulya ngwe visapa-sapa amo akunika, na luku, na visapa-sapa vikwavo, oloni muzinda vushunga nakuvyana cizemo ceni kuli Njambi. Evi munapande kuvilinga kujeneka kulikela kulinga vije vikwavo.

Vilinga vya Miluwa 20:20

Mwazivuka ngweni kunjalikelele kulinga cuma cimo cije capwile cakumikwasa omo njambulwile nakulongesa mu mbunga na mu vinjuvo vyeni.

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Kwituluka mu Mashiko 12:32

“Vyuma vyoshe vije vinjinamishiki mukavilinga nakunyanyama. Kesi mukawezeleleko cuma cimo nambe kutundisako cuma cimo embwe.

Kwituluka mu Mashiko 31:3

Shukulu Kalunga Njambi yeni ikeye vavenya akamitwamenena nakunyongesa miyati ije ilinakukala muje, ngeci mukafungulule lifuti lyavo. Yoshwa akapwa ntwama yeni, ngwe mwanendeka Shukulu Kalunga.

Kwituluka mu Mashiko 31:5

Shukulu Kalunga akamyana nzili yakuvafungulula, co mukavapangesa ngwe munjamishikile.

Kwituluka mu Mashiko 31:7

Asinoni Mosesa wasanene Yoshwa wendekele kuli ikeye ku mesho a vanu va Isalele voshe ngwendi, “Kolesa nakusimpa. Omwo yove ukatwamenena vanu ava kushwana lifuti lije walisingile Shukulu Kalunga na vakukulwila vavo.

Kwituluka mu Mashiko 4:2

Kesi mukawezeleleko cuma cimo ku evi vinjimishika, co kesi mukatundiseko lalo cuma cimo embwe. Oloni ononokeni mashiko a Shukulu Kalunga Njambi yeni aje anjinamishiki.

Kwituluka mu Mashiko 4:5

“Njinamilongesa mashiko oshe, ngwe muje mwanjishikile Shukulu Kalunga Njambi yange ngeci mukawononoke mu lifuti lije limukakovela nakulishwana.

Kwituluka mu Mashiko 7:2

Omo Shukulu Kalunga Njambi yeni akavakundika mu mavoko eni, mukavanyongesa voshe njwa. Kesi mukalikumiiye navo, nambe kuvazivila mema ku mbunge embwe.

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.

Yoshwa 11:12

Yoshwa wafungulwile vinganda vyoshe vije na vimyene vamwo, co vatsiile nakunyongesa vanu voshe vaje vakele muje ngwe muje mwashikile Mosesa ngamba ya Shukulu Kalunga.

Yoshwa 11:14

Vanu va Isalele vambatele vyoshe vije vapukwile mu vinganda evi amo na vimuna. Vanyongesele vanu voshe, naumo wai wasalelemo na mwonyo.

Yoshwa 11:16

Ngecivene, Yoshwa wafungulwile lifuti lyoshe na lifuti lya malundu, na lifuti lya ku vushelumukilo vwa malundu, na mitambela ya ku kunto na ku mbwela, na mutambela woshe wa Ngoshene, na lifuti lyakujeneka mema mu mbwela, kweta na ku Cana ca Yondau.

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.