Yoshwa 11:14 - Livulu lya Shukulu Kalunga

¹⁴ Vanu va Isalele vambatele vyoshe vije vapukwile mu vinganda evi amo na vimuna. Vanyongesele vanu voshe, naumo wai wasalelemo na mwonyo.

Yoshwa 11:14 Iomraidhean Croise

2 Mizimbu 20:25

Omo Njosefati na vanu vendi vezile nakupukula vivala, vawanene vingombe vavangi manene, na vyakulya, na vuzalo, na vyuma vikwavo vya seo. Co vakele matangwa atatu akukungulula vivala vyakupukula, oloni vyatumine manene kuvasele kwambata vyuma vyoshe.

Kulava 31:9

Co vanu va Isalele vafungulwile vanakazi va vaMindyani amo na vanike, vambatele vingombe vavo vyoshe na matanga a vimanga vavo oshe, co vapukwile vufuko vwavo vwoshe,

Kwituluka mu Mashiko 20:14

Oloni vanakazi, na vanike, na vimuna, na vyuma vyoshe vya vitozi veni vije vili mu nganda mukavyambata kupwa vyuma vyakupukula. Mukavwaelela navyo omwo Shukulu Kalunga Njambi yeni namyanavyo.

Kwituluka mu Mashiko 20:16

“Oloni omo mukafungulula vinganda mu lifuti lije Shukulu Kalunga Njambi yeni akamyanalyo, co kesi mukasezemo cuma cimo cakuyoya.

Yoshwa 10:40

Yoshwa wahyanene lifuti lyoshe. Co wafungulwile lalo vimyene va mu lifuti lya malundu, na lifuti lyakungulumuka, na lifuti lya ku vushelumukilo vwa malundu lya mu kangombe ka yambi, na lifuti lyakujeneka mema mu mbwela, naumo wai wasalelemo na mwonyo, co wanyongesele voshe, ngwe muje mwashikile Shukulu Kalunga Njambi ya Isalele.

Yoshwa 11:11

Co vatsiile nakunyongesa vanu voshe vaje vakele muje, naumo wai wasalelemo na mwonyo, co venyekele nganda.

Yoshwa 11:13

Oloni vaIsalele kuvenyekele vinganda vije vatungile akulunduka, kuvanga lika Hazole, ikeyo yenyekele Yoshwa.

Yoshwa 11:15

Shukulu Kalunga washikile mashiko awa ngamba yendi Mosesa, co Mosesa nendi lalo washikile Yoshwa, co Yoshwa waononokele. Ngecivene, Yoshwa walingile vyuma vyoshe vije vyashikile Shukulu Kalunga kuli Mosesa.

Yoshwa 8:2

Co ukalinga na Ayi na mwene wamwo ngwe muje muwalingile na Yeliko na mwene wamwo, oloni ku simbu ino mukapukula vufuko vwamwo amo na vimuna voshe, vyoshe vikapwa vyeni. Livwaese mukavalwise nakuvakasumuna.”

Yoshwa 8:27

Oloni vaIsalele vambatelele vimuna na vufuko vuje vuvafungulwile muje mu nganda, ngwe muje Shukulu Kalunga walekele Yoshwa.