Yoshwa 10:8 - Livulu lya Shukulu Kalunga

⁸ Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

Yoshwa 10:8 Iomraidhean Croise

1 Vimyene 20:13

A simbu ije, muka-kwimanena waile kuli Mwene Ahave nakwendeka ngwendi, “Shukulu Kalunga nendeka ngwendi, ‘Kesi uzive lyova a nzita ije yakama! Ku litangwa lya lelo njikakuhyanesa, co yove ukazivuka ngeci kuma yange njapwa Kalunga.’ ”

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Kwituluka mu Mashiko 3:2

Oloni Shukulu Kalunga wendekele kuli yange ngwendi, ‘Kesi umuzivile lyova embwe, omwo njinamukundika mu mavoko eni, ikeye na vanu vendi voshe, na lifuti lyendi lyoshe. Co lingeni kuli ikeye ngwe muje mumwalingile kuli Sihone mwene wa vaAmoli uje washwanene mu Heshevone.’

Kwituluka mu Mashiko 7:24

Ikeye akakundika vimyene vavo mu mavoko eni. Voshe mukavatsiya, co vakevo vakavevala mu lifuti, naumo wai akemana ku mesho eni noo munavanyongesa voshe.

Yoshwa 10:25

Co Yoshwa wendekele kuli vamyata vendi ngwendi, “Kesi muzive lyova nambe kujujuka embwe. Koleseni nakusimpa omwo eci cikeco cakalinga Shukulu Kalunga kuli vitozi veni voshe vaje vamukalwa navo.”

Yoshwa 10:9

Yoshwa na mashwalale vendi vendele vutsiki vwoshe kutunda ku Ngilingale nakweta ku Ngimbiyone, co vakasumwine vaAmoli nakuvalwisa.

Yoshwa 11:6

Co Shukulu Kalunga wendekele kuli Yoshwa ngwendi, “Kesi uvazivile lyova embwe, omwo imene a simbu ino vene njikamitsiilavo voshe. Mukateta makaana a tuvalu twavo nakwenyeka matemba avo.”

Yoshwa 8:1

Shukulu Kalunga wendekele kuli Yoshwa ngwendi, “Kesi uzive lyova nambe kujujuka. Ya na mashwalale voshe ku Ayi. Omwo njinakundika mwene wa Ayi, na vanu vendi, na nganda yendi, na lifuti lyendi lyoshe mu mavoko ove.

Maako 6:16

Shukulu Kalunga wamukumbulwile ngwendi, “Mwa vushunga yange njikakukwasa. Ukafungulula vaMindyani voshe.”

Maako 7:9

Vutsiki vuje vene Shukulu Kalunga wendekele kuli Ngilyone ngwendi, “Shelumuka ku cilombo, omwo njinakwanaco mukucifungulula.

1 Samwele 17:47

co munu na munu uje ali kuno akazivuka ngwendi Shukulu Kalunga kesi kulwa na mikwale nambe na makunga mukwamena vanu vendi. Omwo Shukulu Kalunga muka-kuhyana vinzita, co ikeye akamikundika mu mavoko etu.”