Yoshwa 10:40 - Livulu lya Shukulu Kalunga

⁴⁰ Yoshwa wahyanene lifuti lyoshe. Co wafungulwile lalo vimyene va mu lifuti lya malundu, na lifuti lyakungulumuka, na lifuti lya ku vushelumukilo vwa malundu lya mu kangombe ka yambi, na lifuti lyakujeneka mema mu mbwela, naumo wai wasalelemo na mwonyo, co wanyongesele voshe, ngwe muje mwashikile Shukulu Kalunga Njambi ya Isalele.

Yoshwa 10:40 Iomraidhean Croise

1 Vimyene 15:29

A simbu ije vene washangumukile kutsiya vanu voshe va naanga ya Yelovowame. Ngwe ku vije vyendekele Shukulu Kalunga ali ngamba yendi, Ahiya muka-kwimanena wa ku Shilo, naanga yoshe ya Yelovowame wavatsiile, naumo wai wasaleleo.

Nehemiya 9:24

Co vafungulwile lifuti lya Kanana, wafungulwile vanu vaje vakele muje. Waanene vanu vove moko yakulinga vyoshe vije vivashakele kuli vanu na vimyene va Kanana.

Myaso 9:17

Kutsa kukekwo mamaneselelo a vaka-vuvi, na voshe vaje vavyana Njambi.

Kutuuka 34:12

Nyanyameni! Kesi mukalizivasane na vanu va mu lifuti lije mukakovela, omwo eci cikapwa ciliva kuli yeni.

Kulava 13:17

Omo Mosesa wavatumine nakunenga lifuti lya Kanana, co wendekele kuli vakevo ngwendi, “Lamateni ngila ya ku kunto ije iya ku mutambela wa lifuti lya ku mbwela ya Kanana, co lamateni ku lifuti lya malundu.

Kwituluka mu Mashiko 1:7

Katukeni muye kulutwe, ku lifuti lya malundu lya vaAmoli, na ku lifuti lyoshe lije lyazengelekako, na ku Cana ca Yondau, na ku lifuti lya malundu, na ku cikulo, na mu mbwela, na ku ngenge ya Lishali lya Menditelenyani. Yeni mu lifuti lya Kanana, na musambwa ya Minkinda ya Lembanone, kweta na ku Ndonga yakama ya Yufuleti.

Kwituluka mu Mashiko 2:34

Co a simbu ije vene twafungulwile nakunyongesa vinganda vyendi vyoshe, co twatsiile vanu voshe, vanalume, na vanakazi, na vanike, naumo wai wasaleleo.

Kwituluka mu Mashiko 7:24

Ikeye akakundika vimyene vavo mu mavoko eni. Voshe mukavatsiya, co vakevo vakavevala mu lifuti, naumo wai akemana ku mesho eni noo munavanyongesa voshe.

Yoshwa 10:35

Vafungulwile ije nganda a litangwa lije vene, co vatsiile vanu voshe va muje mu nganda ngwe muje muvalingile ku Lakishe.

Yoshwa 10:37

Co wafungulwile ije nganda nakutsiya mwene na vanu voshe va muje mu nganda na membo akwatako. Yoshwa wanyongesele vanu voshe vakele muje, naumo wai wasalelemo na mwonyo. Yoshwa walingile evi ngwe muje mwalingile ku Engelone.

Yoshwa 10:39

Wafungulwile ije nganda na mwene wayo na membo oshe akwatako. Co vanyongesele vanu voshe vakele muje, naumo wai wasalelemo na mwonyo. Yoshwa walingile ku Ndembile na mwene wayo ngwe muje mwalingile ku Hevelone na ku Limbena na vimyene va muje mu vinganda vivali.

Yoshwa 11:16

Ngecivene, Yoshwa wafungulwile lifuti lyoshe na lifuti lya malundu, na lifuti lya ku vushelumukilo vwa malundu, na mitambela ya ku kunto na ku mbwela, na mutambela woshe wa Ngoshene, na lifuti lyakujeneka mema mu mbwela, kweta na ku Cana ca Yondau.

Yoshwa 12:8

Co wavapangezelele lifuti lya malundu, na lifuti lya ku vushelumukilo vwa malundu mu kangombe ka yambi, na cana ca Yondau na kuje ku vushelumukilo vwa malundu, na kuje kwakungulumuka mu ngangela, amo na lifuti lyakuma lya mu mbwela. Lifuti eli likelyo lyapwile lya vaHiti, na vaAmoli, na vaKanana, na vaPelezi, na vaHivi, na vaNjevushi.

Yoshwa 18:21

Vinganda vije vyapwile vya vatekulwila va Mbenjemani mazina avyo, Yeliko, na Mbete Hongela, na Emeki Kezize,

Yoshwa 6:17

Nganda na vyuma vyoshe vilimo mukavyana kuli Shukulu Kalunga nakuvinyongesa vyoshe njwa, kuvanga lika uje cikwizi Lahave na vavushoko vwendi vali mu njuvo yendi vakevo lika vakayoyao, omwo ikeye washwekele vaka-kunenga vaje twatumine.

Yoshwa 8:2

Co ukalinga na Ayi na mwene wamwo ngwe muje muwalingile na Yeliko na mwene wamwo, oloni ku simbu ino mukapukula vufuko vwamwo amo na vimuna voshe, vyoshe vikapwa vyeni. Livwaese mukavalwise nakuvakasumuna.”

Yoshwa 8:27

Oloni vaIsalele vambatelele vimuna na vufuko vuje vuvafungulwile muje mu nganda, ngwe muje Shukulu Kalunga walekele Yoshwa.

Yoshwa 9:24

Co vamukumbulwile ngwavo, “Mukemwo mutunalingi shukulu omwo vatulekele mwa vushunga vene Shukulu Kalunga Njambi yeni washikile ngamba yendi Mosesa kumyana lifuti lyoshe eli nakutsiya nakunyongesa vanu voshe valimo ngwe omo mulinakuya kulutwe. Twalingile eci omwo twakele na lyova manene ali yeni, co twakele lalo na lyova lya myonyo yetu.