Yoshwa 10:4 - Livulu lya Shukulu Kalunga

⁴ “Ijeni mwakunjikwase kulwa na vaNgimbiyone, omwo vanu vakwo vanalombo kwoloka kuli Yoshwa na kuli vaIsalele.”

Yoshwa 10:4 Iomraidhean Croise

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Yowano 15:19

Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.

Vilinga vya Miluwa 21:28

Co vatambekele ngwavo, “Eni vanalume va Isalele! Tukwaseniko! Ou ikeye munalume uje akai kwoshe-ikwoshe nakulongesa vanu voshe kulwisa vanu va Isalele na Lishiko lya Mosesa naino Njuvo ya Shukulu Kalunga. Co lalo ololo nanena vamo vaje kesi vaYunda muno mu Njuvo ya Shukulu Kalunga nakujwalesa ou mwela wakujela!”

2 Timateo 3:12

Woshe uje ashaka kuyoya vuyoye vwa vu Njambi vuje vuli muli Kilistu Yesu akamona mapakeso,

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

Yoshwa 10:1

Mwene Andonizendeke wa mu Yelusalema wazivile ngeci Yoshwa nafungulula nakunyongesa Ayi, co natsii mwene wamwo, ngwe muje mwalingile na Yeliko na mwene wamwo. Co ikeye lalo wazivile ngeci vanu va ku Ngimbiyone vanalingi cikumiiyo na vaIsalele, co ololo vanatungu akati kavo.

Yoshwa 10:5

Ngecivene, vimyene vaje vatanu va vaAmoli, mwene wa ku Yelusalema, na mwene wa ku Hevelone, na mwene wa ku Njalemute, na mwene wa ku Lakishe, na mwene wa ku Engelone valipandakanene amo kulwa nzita, co vazengelekele vaNgimbiyone nakuvalwisa.

Yoshwa 9:15

Asinoni Yoshwa walikumiiye cikumiiyo navo, co vavatavele kutunga navo. Ngecivene, vantwama va mbunga ya Isalele vakolesele cikumiiyo cavo na cisingo.

1 Petulu 4:4

Co ololo vaka-kujeneka kukulaela vanalikomokela omo kumwesi nakulipandakana navo mukuyoya kwa muuka na vunyengwe, co valinakumishaula.

Kujombolola 16:14

Vakevo vanapu minzinzime yakujwala ije ikalingi vizivukiso. Eyi minzinzime itatu ikayi kuli vimyene va ano a kaye oshe nakuvakungulwila amo lika ku nzita a Litangwa lyakama lya Njambi Muka-nzili yoshe.