Yoshwa 10:39 - Livulu lya Shukulu Kalunga

³⁹ Wafungulwile ije nganda na mwene wayo na membo oshe akwatako. Co vanyongesele vanu voshe vakele muje, naumo wai wasalelemo na mwonyo. Yoshwa walingile ku Ndembile na mwene wayo ngwe muje mwalingile ku Hevelone na ku Limbena na vimyene va muje mu vinganda vivali.

Yoshwa 10:39 Iomraidhean Croise

2 Vimyene 10:11

Asinoni Yehu watsiile vavushoko voshe va Ahave vaje vakele mu Njezelele na vamyata vendi voshe na vasamba vendi va a mbunge na vaka-kukombelela vendi, naumo wai wasaleleo na mwonyo.

Ovandiya 1:18

Vanu va Yakomba na vanu va Yosefa, vakapwa ngwe tuhya, vakanyongesa vanu va Isau, ngwe tuhya twenyeka vishati. Naumo wai mutekulwila wa Isau akayoya. Yange Kalunga, njinendekamo.

Kwituluka mu Mashiko 3:3

“Ngecivene, Shukulu Kalunga Njambi yetu wakundikile lalo Mwene Onge na vanu vendi voshe mu mavoko etu, co twavatsiile voshe, naumo wai wasaleleo.

Yoshwa 10:33

Mwene Holame wa ku Ngezele wezile nakukwasa Lakishe, oloni Yoshwa wamufungulwile na mashwalale vendi, co naumo wai wasaleleo na mwonyo.

Yoshwa 10:37

Co wafungulwile ije nganda nakutsiya mwene na vanu voshe va muje mu nganda na membo akwatako. Yoshwa wanyongesele vanu voshe vakele muje, naumo wai wasalelemo na mwonyo. Yoshwa walingile evi ngwe muje mwalingile ku Engelone.

Yoshwa 10:38

Asinoni Yoshwa na mashwalale vendi velukile ku Ndembile nakulwa navo.

Yoshwa 10:40

Yoshwa wahyanene lifuti lyoshe. Co wafungulwile lalo vimyene va mu lifuti lya malundu, na lifuti lyakungulumuka, na lifuti lya ku vushelumukilo vwa malundu lya mu kangombe ka yambi, na lifuti lyakujeneka mema mu mbwela, naumo wai wasalelemo na mwonyo, co wanyongesele voshe, ngwe muje mwashikile Shukulu Kalunga Njambi ya Isalele.

Yoshwa 11:8

Shukulu Kalunga wavakundikile ku mavoko a vaIsalele, co vaIsalele vavalwisile nakuvashekela kukunto ku Miselefote Maime, na Sindone, co vetele kungangela na ku cana ca Mizipa. Ngecivene, nzita yakeleko noo vavatsiile voshe.

Yoshwa 12:13

na Ndembile, na Ngendele,

1 Samwele 15:3

Ngeci yeni mukalwise vaAmaleke, co mukanyongese vyuma vyoshe vije valinavyo. Kesi mukasezeo cuma cimo, oloni yeni mukatsiye vanalume voshe, na vanakazi, na vanike, na vimbututu, na vimanga, na tumelo, na vimulu.”

1 Samwele 15:8

Ngecivene, wakwatele Mwene Angange wa Amaleke, co watsiile vanu voshe.