Yoshwa 10:32 - Livulu lya Shukulu Kalunga

³² Ngecivene, Shukulu Kalunga waanene nzili kuli vaIsalele yakufungulula Lakishe a litangwa lyamucivali lya nzita, naumo wai vasezelemo na mwonyo, ngwe muje muvalingile lalo ku Limbena.

Yoshwa 10:32 Iomraidhean Croise

Kutuuka 17:13

Co mu ngila eyi vene Yoshwa wahyanene nakufungulula vaAmaleke.

Isaya 37:8

Lambashake mwata wa vaAsilya wanangukile ngeci kuma mwene natundu mu Lakishe, alinakulwa na nganda ya muyehi ya Limbena, ngecivene, waile kuje nakumwihula.

Kwituluka mu Mashiko 7:2

Omo Shukulu Kalunga Njambi yeni akavakundika mu mavoko eni, mukavanyongesa voshe njwa. Kesi mukalikumiiye navo, nambe kuvazivila mema ku mbunge embwe.

Yoshwa 10:28

A litangwa lije vene Yoshwa walwile nakufungulula Makenda na mwene wamwo. Co watsiile vanu voshe vakele muje mu nganda, naumo wai wasalelemo na mwonyo. Yoshwa walingile evi kuli mwene wa ku Makenda ngwe muje mwalingile kuli mwene wa ku Yeliko.

Yoshwa 10:31

Asinoni Yoshwa na mashwalale vendi vatundile ku Limbena, vaile ku Lakishe, vaizengelekele nakuyilwisa.

Yoshwa 10:33

Mwene Holame wa ku Ngezele wezile nakukwasa Lakishe, oloni Yoshwa wamufungulwile na mashwalale vendi, co naumo wai wasaleleo na mwonyo.

Yoshwa 11:12

Yoshwa wafungulwile vinganda vyoshe vije na vimyene vamwo, co vatsiile nakunyongesa vanu voshe vaje vakele muje ngwe muje mwashikile Mosesa ngamba ya Shukulu Kalunga.