Yoshwa 10:25 - Livulu lya Shukulu Kalunga

²⁵ Co Yoshwa wendekele kuli vamyata vendi ngwendi, “Kesi muzive lyova nambe kujujuka embwe. Koleseni nakusimpa omwo eci cikeco cakalinga Shukulu Kalunga kuli vitozi veni voshe vaje vamukalwa navo.”

Yoshwa 10:25 Iomraidhean Croise

Myaso 63:9

Vaje voshe vashaka kunjitsiya, vakaya mu vukalo vwa vatsi.

Myaso 77:11

Shukulu Kalunga, njikanuka vilinga vyove vyakama, mwa vushunga vene njikanuka vikomokeso viwalingile ku simbu ya kunima.

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

2 Kolinte 1:10

Watutundisile mu vushonde vwakama vwa kutsa, co ikeye watwovwele, akatwovola lalo, tunakulaeleni kuli ikeye ngeci akatwovola lalo,

Efeso 6:10

Akukotoka, koleseniko muli Mwene na mu nzili ya vukama vwendi.

Kwituluka mu Mashiko 7:19

Oloni mukanuka vikomokeso vije mwamwene na mesho eni vavenya, na vizivukiso, na vikomokeso, na nzili yakama ije yamitundisile nayo Shukulu Kalunga Njambi yeni mu vundungo. Mu ngila eyi vene wanyongesele vaka-Ingito, co ikeye akanyongesa lalo vanu voshe ava mulinakutewa ololo.

Yoshwa 1:6

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 10:8

Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

1 Samwele 17:37

Shukulu Kalunga wanjamenene ku vindumba na ku vaingwe, ikeye akanjamena lalo kuli uje kaFilisitiya.” Saulu wamukumbulwile ngwendi, “Mukemwo, ya, Shukulu Kalunga akale amo nove.”