Yoshwa 10:20 - Livulu lya Shukulu Kalunga

²⁰ Ngecivene, Yoshwa na mashwalale va vaIsalele vatsiile vaAmoli, nameme ngoco vamo vavandele mukati ka vivumbe vya vinganda vyavo, co kuvavatsiile.

Yoshwa 10:20 Iomraidhean Croise

2 Samwele 20:6

Ngecivene, mwene wendekele kuli Avishai ngwendi, “Shemba akatunenela vukalu kutuvakana Avisalome. Ya na vanu vange muye nakumukava, kutewa akakovela mu vinganda vya vivumbe, co akatuvomboloka.”

1 Vimyene 20:21

Mwene Ahave na ikeye wakovelele mu nzita, co watsiile vaka-kulonda a tuvalu na matemba, co wahyanene manene kutsiya vaSilya.

2 Mizimbu 13:17

Co Aviya na mbunga ya mashwalale vendi vatsiile manene vaIsalele, litambelo lya mashwalale va vaIsalele vakulwa mwamuvwa vapwile 500,000 vatsiile aje vene.

Njelemiya 4:5

Imbeni lupembo mu lifuti mwoshe! Tambekeni manene, ngeci vamizive! Lekeni vanu va mu Yunda na vanu va mu Yelusalema vashatukile ku vinganda vya mu cimpaka.

Njelemiya 8:14

Vanu va mu Yunda vehwile ngwavo, “Omwo vikajo twatumbamene kuluu? Tuteweleni ku vinganda vya vimpaka vyakukola tukatsileko. Shukulu Kalunga Njambi yetu natuhisa natwana mwaze tunwe ngeci tutse, omwo tunalingi vuvi ku mesho endi.

Kwituluka mu Mashiko 20:16

“Oloni omo mukafungulula vinganda mu lifuti lije Shukulu Kalunga Njambi yeni akamyanalyo, co kesi mukasezemo cuma cimo cakuyoya.

Yoshwa 10:10

Ngecivene, Shukulu Kalunga wauya-wuyisile vaAmoli ku mesho a vaIsalele. Co vaIsalele vatsiile vaAmoli ku Ngimbiyone, asinoni vavashekelele ku ngila yakwita ku lilundu ku Mbete Holone, co vatsiile vanu vavangi nakuvasheka nakuvetesa ku mbwela ya ku Azeka, na ku Makenda.

Yoshwa 10:19

Oloni yeni kesi mwimane, kaveni vitozi veni ngeci muvatsiye, kesi muvatave velukile lalo ku vinganda vyavo omwo Shukulu Kalunga Njambi yeni navakundika ku mavoko eni.”

Yoshwa 10:21

Co vanu voshe velukile mwamuvwa kuli Yoshwa ku cilombo ca ku Makenda. Naumo wai waningwile nameme muningu ali vaIsalele.

Yoshwa 11:12

Yoshwa wafungulwile vinganda vyoshe vije na vimyene vamwo, co vatsiile nakunyongesa vanu voshe vaje vakele muje ngwe muje mwashikile Mosesa ngamba ya Shukulu Kalunga.

Yoshwa 11:8

Shukulu Kalunga wavakundikile ku mavoko a vaIsalele, co vaIsalele vavalwisile nakuvashekela kukunto ku Miselefote Maime, na Sindone, co vetele kungangela na ku cana ca Mizipa. Ngecivene, nzita yakeleko noo vavatsiile voshe.

Yoshwa 8:24

VaIsalele vatsiile mashwalale voshe va ku Ayi vaje vakele mu shwata na mu mambo muje muvatewelele, asinoni vaIsalele velukile ku Ayi nakutsiya voshe vaje vakele muje mu nganda.