Yoshwa 1:9 - Livulu lya Shukulu Kalunga

⁹ Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 1:9 Iomraidhean Croise

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 39:2

Shukulu Kalunga wakele amo na Yosefa, co wamuvezikisile mu vyoshe, ngecivene, ikeye wakele mu njuvo ya shukulu yendi kaIngito.

Kushangumuka 39:3

Co shukulu yendi wamwene ngeci Shukulu Kalunga ali amo na Yosefa, lalo Shukulu Kalunga namuvezikisa mu vyuma vyoshe vije vyalingile.

2 Samwele 13:28

co Avisalome washikile vangamba vendi ngwendi, “Kengeseseni mwamuvwa Aminone omo nanu manene, co njimishika ngwange mutsiyeni, kesi mukale na lyova embwe. Yange njinamishiki. Pweni vaka-kusimpa kesi muzive lyova!”

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

2 Mizimbu 15:7

Oloni yeni munapande kukolesa kesi muzeye embwe. Omwo vakamyana cikandelela a vipangi vije mulinakupanga.”

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 43:5

Kesi muzive lyova, njili amo neni! “Njikatundisa vanu vove vaje vali mu ngangela na mu kangombe ka yambi, nakuvelwisila kwimbo lyavo.

Isaya 8:12

“Kesi ukovele ku vutumbe vwa vanu, co kesi uzive lyova lya vyuma vije vivatewa.

Ndanyele 10:19

Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Hangai 2:4

Oloni ololo kesi muzeye yeni voshe, pangeni vipangi, yange njili amo neni.

Hangai 2:5

Omo mwatundile mu Ingito, njamikulaesele ngwange njikakala amo neni simbu yoshe. Co anga vene njili amo neni, ngecivene, kesi muzive lyova embwe.

Vilinga vya Miluwa 4:19

Oloni Petulu na Yowano vavakumbulwile ngwavo, “Yeni vavenya waneni cuma muka cacivwa ku mesho a Njambi, kwononoka yeni nambe kwononoka Njambi.

Kwituluka mu Mashiko 1:21

Co kengeni, Kalunga Njambi yeni namyana lifuti eli ngeci mukakovelemo nakulishwana omwo linapu lyeni ngwe muje mwamishikile Shukulu Kalunga Njambi ya vakukulwila veni. Co kesi mukazive lyova nambe kujujuka.’

Kwituluka mu Mashiko 20:1

“Omo mukaya ku nzita nakulwa na vitozi veni, mukamona, matemba avo, na tuvalu twavo, na nzita yakama kutuvakana yeni, oloni kesi mukavazivile lyova embwe, omwo Shukulu Kalunga Njambi yeni uje wamitundisile mu Ingito, ali amo neni.

Kwituluka mu Mashiko 31:23

Asinoni Shukulu Kalunga wendekele kuli Yoshwa muna Nune ngwendi, “Kolesa nakusimpa. Yove ukatwamenena vanu va Isalele mu lifuti lije njalisingile kuvanalyo, njikakala amo neni.”

Kwituluka mu Mashiko 31:28

Co kungululeni vakulunu va miyati yeni yoshe na vamyata veni, ngeci njivaleke vyuma evi, omwo njilisinga ngeci lilu na asi vinapu vukaleo vwange ali yeni.

Yoshwa 1:10

Asinoni Yoshwa washikile vantwama

Yoshwa 1:17

Muje mutwononokele kuli Mosesa mu vyuma vyoshe, mukemwo vene mutukononoka kuli yove. Oloni cuma lika cimo, Shukulu Kalunga Njambi yove akale amo nove ngwe mwakele amo na Mosesa!

Yoshwa 1:18

Munu woshe uje akavyana kushika kwove nambe kujeneka kwononoka mashiko ove vakamutsiye. Kolesa lika nakusimpa!”

Yoshwa 10:25

Co Yoshwa wendekele kuli vamyata vendi ngwendi, “Kesi muzive lyova nambe kujujuka embwe. Koleseni nakusimpa omwo eci cikeco cakalinga Shukulu Kalunga kuli vitozi veni voshe vaje vamukalwa navo.”

Yoshwa 10:8

Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

Yoshwa 3:7

Asinoni Shukulu Kalunga wendekele kuli Yoshwa ngwendi, “Ku litangwa lya lelo njikakupwisa uwakama ku mesho a vanu voshe va Isalele ngeci vazivuke ngwavo ngwe muje munjakele na Mosesa mukemwo lalo munjikakala nove.

Yoshwa 6:27

Ngecivene, Shukulu Kalunga wakele amo na Yoshwa, co lutsimo lwendi lwashandokelele mu lifuti mwoshe.

Yoshwa 8:1

Shukulu Kalunga wendekele kuli Yoshwa ngwendi, “Kesi uzive lyova nambe kujujuka. Ya na mashwalale voshe ku Ayi. Omwo njinakundika mwene wa Ayi, na vanu vendi, na nganda yendi, na lifuti lyendi lyoshe mu mavoko ove.

Maako 6:14

Asinoni Shukulu Kalunga wamukengele, co wendekele nendi ngwendi, “Ya na nzili yoshe eyi uli nayo ukamene vaIsalele ku mavoko a vaMindyani. Yange vavenya njinakutumu.”

1 Samwele 10:7

Omo evi vikalingiwa, co yove linga vyoshe vije vyakutwamenena Njambi.