Yoshwa 1:8 - Livulu lya Shukulu Kalunga

⁸ Livulu eli lya Mashiko lilave kutambekela simbu yoshe omo mukunguluka. Co lilongeselyo mutanya na vutsiki, ngeci wononoke vyuma vyoshe vije vivasonekamo. Co ukavezika nakukala mwamuvwa mukuyoya kwove.

Yoshwa 1:8 Iomraidhean Croise

Kushangumuka 24:63

Co Isake watuukile a simbu ya cingwezi, nakwimazala ku mahya, co kenga, wamwene tumelo valinakwija.

2 Mizimbu 26:5

Uziya wapangelele Shukulu Kalunga na kulongwa a matangwa ayoyele Zekaliya uje wamulongesele vya vuNjambi, co Njambi wamuvezikisile.

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 119:15

Njililongesa mashiko ove, co njiilula vilongesa vyove.

Myaso 119:97

Yange njazema manene mashiko ove! Co njikawayongola litangwa lyoshe.

Myaso 119:99

Omwo njiyongola a mashiko ove, njili na mana manene kutuvakana valongisi vange voshe.

Myaso 19:14

Majwi ange na viyongola vyange, vipwe vyavivwa ku mesho ove Shukulu Kalunga, limanya lyange na numbi yange ya lukule milonga!

Myaso 40:10

Yange kunjashwekele mu mbunge yange vin̄anda vyavivwa vyakwamena embwe, oloni visimbu vyoshe njinambulula vushunga vwove nakwamena kwove. Mu vikungulukilo vya vanu vove voshe kunjolokele ngoco kuluu ngwe kaveveve, oloni njinambulula kulongwa kwove na cizemo cove cije kucesi kutenguluka.

Visimo 3:1

Munange, kesi wivale vilongesa vyange. Simbu yoshe mbunge yove inapande kunyunga mashiko ange.

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Mateo 12:35

Munu wamuvwa ikeye muka-kusholola vyuma vyavivwa ku vufuko vwendi vwavuvwa vwa mu mbunge, co munu wamuvi akasholola vyuma vyavivi ku vufuko vwendi vwavuvi vwa mu mbunge.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mateo 7:21

“Kesi munu woshe anjitumbula ngwendi, ‘Mwene, Mwene’ akakovela mu Vumwene vwa mwilu embwe, oloni kuvanga vaje vakalingi cizango ca Tate wa mwilu.

Mateo 7:24

“Ngecivene, woshe aziva majwi ange awa nakuwononoka, napu ngwe munalume uje wakunyanyama watungilile njuvo yendi a limanya.

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Yowano 13:17

Nga mwazivuka vyuma evi, mukavezika nga mukavilinga!

Yowano 14:21

“Woshe uje atambula mashiko ange nakuwononoka ikeye uje anjizema. Co Tate akazema woshe uje anjizema, nange lalo njikamuzema nakulisholola kuli ikeye.”

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Kwituluka mu Mashiko 29:8

Twatambwile lifuti lyavo, co twalyanene kuli Luvena, na Ngande, na litambelo lya muyati wa Manase kupwa vushwana vwavo.

Kwituluka mu Mashiko 29:9

Ngecivene, nyanyameni nakwononoka majwi a cikumiiyo eci, ngeci mukavezike mu vyuma vyoshe vimukalinga.

Kwituluka mu Mashiko 30:14

Oloni lishiko lili muyehi neni. Lili akati keni na mu vimbunge vyeni, ngeci mwase kulyononoka.

Kwituluka mu Mashiko 31:11

Mukawalavela vanu va Isalele omo vakaija nakulemesa Shukulu Kalunga Njambi yavo ku mwela umo wakumulemesela.

Kwituluka mu Mashiko 31:24

Co Mosesa wasonekele majwi oshe a mashiko a Njambi mu livulu, kasezeleko cuma nacimo cai.

Kwituluka mu Mashiko 5:1

Mosesa wasanene vanu va Isalele voshe, co wendekele kuli vakevo ngwendi, “Tolilileni, yeni vanu va Isalele, ku vilongesa na mashiko oshe awa njilinakumileka ku litangwa lya lelo. Lilongesenivyo mwamuvwa nakuvyononoka.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

Kwituluka mu Mashiko 5:32

“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.

Yoshwa 8:34

Asinoni Yoshwa watambekele akulava majwi oshe a Mashiko, nawa akuvezikisa, nawa a visingo, ngwe muje muvawasoneka mu Livulu lya Mashiko.

Kujombolola 22:14

Vanavezika vaje vakusha vuzalo vwavo ngeci vujele, co vali na moko yakulya ku vushuka vwa muti wa mwonyo nakukovela mu vikolo vya mu nganda.