Yoshwa 1:6 - Livulu lya Shukulu Kalunga

⁶ Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 1:6 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 26:3

Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama.

2 Samwele 10:12

Kala na nzili nakusimpa! Tulwileni na nzili vanu vetu na vinganda vya Njambi yetu. Co cizango ca Shukulu Kalunga cilingiwe!”

1 Vimyene 2:2

“Simbu yange ya kutsa inete. Pwa muka-kusimpa, co kala na nzili,

1 Mizimbu 22:13

Nga wononoka mashiko oshe aje aanene Shukulu Kalunga kuli Mosesa ali Isalele, co ukavezika. Pwa muka-kukolesa nakusimpa, co kesi utave cuma cimo cikuzivise lyova.

1 Mizimbu 28:10

Zivuka ngeci Shukulu Kalunga nakwangula umutungile Njuvo yendi yakujela. Kolesa ngeci uyitunge.”

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

2 Mizimbu 15:7

Oloni yeni munapande kukolesa kesi muzeye embwe. Omwo vakamyana cikandelela a vipangi vije mulinakupanga.”

2 Mizimbu 20:11

Co kenga muvali nakutulinga, vanaija nakutusheka mu lifuti lije liwatwanene.

2 Mizimbu 20:7

Yove Njambi yetu, washekele vavenya lifuti lino kulutwe lwa vanu vove va Isalele nakulyana kuli vatekulwila va Avilahama musamba wove, ngeci vakalemo ku myaka yoshe.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Ndanyele 10:19

Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Hangai 2:4

Oloni ololo kesi muzeye yeni voshe, pangeni vipangi, yange njili amo neni.

Zakaliya 8:9

“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange.

Kulava 26:53

“Angununa lifuti mukati ka miyati, ngwe ku vungi vwavo.

Kulava 33:53

Ngecivene, mukatambula lifuti nakukalamo, omwo njinamyana lifuti kupwa vushwana vweni.

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

Efeso 6:10

Akukotoka, koleseniko muli Mwene na mu nzili ya vukama vwendi.

Kwituluka mu Mashiko 1:21

Co kengeni, Kalunga Njambi yeni namyana lifuti eli ngeci mukakovelemo nakulishwana omwo linapu lyeni ngwe muje mwamishikile Shukulu Kalunga Njambi ya vakukulwila veni. Co kesi mukazive lyova nambe kujujuka.’

Kwituluka mu Mashiko 1:8

Kengeni, njamyana lifuti lyoshe eli lije yange Kalunga njalikulaesele kulyana kuli vakukulwila veni, va Avilahama, na Isake, na Yakomba, na ku vatekulwila vavo. Co yeni mukalishwane.’ ”

Kwituluka mu Mashiko 11:8

“Ngecivene, mukononoka mashiko oshe awa njilinakumishikawo ku litangwa lya lelo, ngeci mukase kujavuka Ndonga ya Yondau nakushwana lifuti lije mushaka kukovela.

Kwituluka mu Mashiko 31:23

Asinoni Shukulu Kalunga wendekele kuli Yoshwa muna Nune ngwendi, “Kolesa nakusimpa. Yove ukatwamenena vanu va Isalele mu lifuti lije njalisingile kuvanalyo, njikakala amo neni.”

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

Yoshwa 1:18

Munu woshe uje akavyana kushika kwove nambe kujeneka kwononoka mashiko ove vakamutsiye. Kolesa lika nakusimpa!”

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 10:25

Co Yoshwa wendekele kuli vamyata vendi ngwendi, “Kesi muzive lyova nambe kujujuka embwe. Koleseni nakusimpa omwo eci cikeco cakalinga Shukulu Kalunga kuli vitozi veni voshe vaje vamukalwa navo.”

Yoshwa 13:6

Kukumbasanako na mitambela yoshe ya vaSindone, vaje vakala mu mitambela ya malundu mukati ka Minkinda ya Lembanone nakweta ku Miselefote Maime. Njikashekamo vanu voshe ku mesho a vanu va Isalele. Unapande kupangezela lifuti akati ka vaIsalele, kupwa vushwana vwavo ngwe muje njakushikile ngeci ulingemo.

Yoshwa 18:3

Ngecivene, Yoshwa wendekele kuli vanu va Isalele ngwendi, “Mukatatamena simbu yakupwa aka, ngeci muye nakutambula lifuti lije lyanamyana Shukulu Kalunga Njambi ya vakukulwila veni?

Yoshwa 21:43

Ngecivene, Shukulu Kalunga waanene vaIsalele livu lyoshe lije lyalikumiiye na vakukulwila vavo ngeci akavanalyo. Omo valitambwile, co vatungilemo.

Yoshwa 5:6

VaIsalele vendele mu mambo myaka makumi awana, noo cisemwa coshe ca vanalume vaje vasele kuya ku nzita vaje vatundile ku Ingito vanyongele, omwo kuvononokele Shukulu Kalunga. Ngwe muje mwalisingile ikeye kavatavele ngeci vakamone lifuti lije lyalisingile na vakukulwila vavo kuvanalyo, lifuti lyalivwa lya vwilo, nevi vyakujenekamo vyai.

1 Samwele 4:9

Nyanyameni, yeni vaFilisitiya! Lweni ngwe muvakalu vanalume, kutewa tukapwa vinzinda va vaHevelu, ngwe muvapwile vakevo vinzinda vetu. Ngecivene, lweni ngwe muvakalu vanalume!”