Yoshwa 1:17 - Livulu lya Shukulu Kalunga

¹⁷ Muje mutwononokele kuli Mosesa mu vyuma vyoshe, mukemwo vene mutukononoka kuli yove. Oloni cuma lika cimo, Shukulu Kalunga Njambi yove akale amo nove ngwe mwakele amo na Mosesa!

Yoshwa 1:17 Iomraidhean Croise

2 Samwele 14:17

Co njalyendekesele mu mbunge yange ngwange cikulaeso cove shukulu, casa kunjamena, omwo mwene napu ngwe kangelo ka Njambi, asa kwangununa vyavivwa ku vyavivi. Shukulu Kalunga Njambi yove akale amo nove!”

1 Vimyene 1:37

Ngwe omo Shukulu Kalunga nakala amo nove shukulu, mukemwo akale amo na Solomoni nakwamesa vumwene vwendi kutuvakana vumwene vwove.”

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

Myaso 20:1

Shukulu Kalunga akukumbulule omo uli mu vukalu! Njambi ya Yakomba akunyunge!

Myaso 20:4

Ikeye akwane vyoshe viwushaka, co mu lizina lya Njambi, matumbe ove oshe aye kulutwe.

Myaso 20:9

Yove Shukulu Kalunga ana kuhyana kuli mwene, tukumbulule omo tutambeka.

Kulava 27:18

Ngecivene, Shukulu Kalunga wendekele kuli Mosesa ngwendi, “Sana Yoshwa muna Nune, uje washula na Munzinzime wange, kambeka mavoko ove a mutwe wendi.

Kulava 27:20

Co mwane nzili yove, ngeci mbunga yoshe ya vanu va Isalele vakamwononoke.

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

Kwituluka mu Mashiko 34:9

Ngecivene, Yoshwa muna Nune washulile na mana a Munzinzime wa Njambi, omwo Mosesa wamukambekele mavoko nakwinga mu mwela wendi. Co vanu va Isalele vononokele Yoshwa nakunyunga mashiko aje aanene Shukulu Kalunga kuli Mosesa.

Yoshwa 1:16

Asinoni vakumbulwile Yoshwa ngwavo, “Tukalinga vyuma vyoshe vije viwunatuleka, co tukaya kwoshe-ikwoshe kuje kuukatutuma.

Yoshwa 1:18

Munu woshe uje akavyana kushika kwove nambe kujeneka kwononoka mashiko ove vakamutsiye. Kolesa lika nakusimpa!”

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 4:14

A litangwa lije Shukulu Kalunga waamesele Yoshwa ku mesho a vanu va Isalele, co vamuzivilile lyova nakumusingimika matangwa oshe akuyoya kwendi, ngwe muje muvasingimikile Mosesa.

1 Samwele 17:37

Shukulu Kalunga wanjamenene ku vindumba na ku vaingwe, ikeye akanjamena lalo kuli uje kaFilisitiya.” Saulu wamukumbulwile ngwendi, “Mukemwo, ya, Shukulu Kalunga akale amo nove.”

1 Samwele 20:13

Nga ikeye nayongola kukuvulumuna, Shukulu Kalunga anjitsiye nga kunjikuleka nakukwamena ngeci utewe. Shukulu Kalunga akale amo nove ngwe mwakele amo na tate!