Yoshwa 1:1 - Livulu lya Shukulu Kalunga

¹ Omo Mosesa ngamba ya Shukulu Kalunga natsi laja, Shukulu Kalunga wendekele kuli Yoshwa muna Nune mukwasi wa Mosesa ngwendi,

Yoshwa 1:1 Iomraidhean Croise

1 Vimyene 19:16

vwavesa mazi Yehu muna Nimeshi apwe mwene wa Isalele, co vwavesa mazi Elisha muna Shafete wa ku Avele Mehola akwinge apwe muka-kwimanena.

2 Vimyene 3:11

Co Mwene Njosefati wehwile ngwendi, “Kuno kukwesi muka-kwimanena wa Shukulu Kalunga ngeci atwihwile kuli Shukulu Kalunga ndi?” Co mwata umo wa mashwalale va Mwene Njolame wakumbulwile ngwendi, “Kwali kuno Elisha muna Shafete. Ikeye waatele kuli Elinja.”

Nehemiya 8:17

Vanu voshe vaje velukile kutunda ku vunzinda vatungile mapapela nakukalamo. Eci capwile cakulivanga kulingiwa tunde a matangwa a Yoshwa muna Nune, co vanu voshe vajolelele manene.

Kutuuka 24:13

Co Mosesa na mukwasi wendi Yoshwa valivwaesele, Mosesa walamatele ku munkinda wakujela.

Kulava 11:28

Ngecivene, Yoshwa muna Nune, uje wapwile mukwasi wa Mosesa wakwangula tunde ku vukwenje vwendi, wendekele kuli Mosesa ngwendi, “Shukulu, vavindike!”

Kulava 12:7

oloni kesi ngoco na ngamba yange Mosesa. Ikeye wapwa wa kulongwa, njinamwana moko ya vanu vange voshe va Isalele.

Kulava 13:16

Ava vakevo vantwama vaje Mosesa wavatumine nakunenga lifuti lya Kanana. Co Mosesa watengulwile lizina lya Hosheya muna Nune kupwa Yoshwa.

Kulava 13:8

ku muyati wa Efalime ntwama wapwile Hosheya muna Nune,

Luka 16:10

Woshe alongwa mu vyuma vyavindondo akapwa wa kulongwa mu vyuma vyakama lalo, uje kapu wa kulongwa mu vyuma vyavindondo kasa kupwa wa kulongwa mu vyuma vyakama.

Vilinga vya Miluwa 7:45

Munima yevi, vakukulwila vetu vaje vatambwile mbalaka kuli vaishavo vayambatele omo vaile na Yoshwa nakutambula lifuti ku miyati ije yashekelemo Njambi omo vakele nakuya kulutwe. Ngecivene, cakele kuje noo a simbu ya Ndaviti.

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

Kwituluka mu Mashiko 1:38

kuvanga lika mukwasi wove Yoshwa muna Nune, ikeye akakovelamo. Co mukolese ngeci akatwamenene vanu va Isalele kushwana lifuti lije.’

Kwituluka mu Mashiko 31:23

Asinoni Shukulu Kalunga wendekele kuli Yoshwa muna Nune ngwendi, “Kolesa nakusimpa. Yove ukatwamenena vanu va Isalele mu lifuti lije njalisingile kuvanalyo, njikakala amo neni.”

Kwituluka mu Mashiko 31:3

Shukulu Kalunga Njambi yeni ikeye vavenya akamitwamenena nakunyongesa miyati ije ilinakukala muje, ngeci mukafungulule lifuti lyavo. Yoshwa akapwa ntwama yeni, ngwe mwanendeka Shukulu Kalunga.

Kwituluka mu Mashiko 33:1

Evi vikevyo vivezikiso vije Mosesa, munu wa Njambi, wavezikisile navyo vanu va Isalele omo kanda atse.

Kwituluka mu Mashiko 34:12

Co kukwakele lalo muka-kwimanena wasele kulinga vyuma vyakama vyakukomokesa ngwe vije vyalingile Mosesa ku mesho a Isalele yoshe.

Kwituluka mu Mashiko 34:5

Ngecivene, Mosesa, ngamba ya Shukulu Kalunga, watsililile kuje ku lifuti lya Mowavi, ngwe vene muje mwendekele Shukulu Kalunga.

Kwituluka mu Mashiko 34:9

Ngecivene, Yoshwa muna Nune washulile na mana a Munzinzime wa Njambi, omwo Mosesa wamukambekele mavoko nakwinga mu mwela wendi. Co vanu va Isalele vononokele Yoshwa nakunyunga mashiko aje aanene Shukulu Kalunga kuli Mosesa.

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

Yoshwa 1:15

kuvanga noo vanatambula lifuti lije lili mu kangombe ka yambi ya Yondau lije lyanavana Shukulu Kalunga Njambi yeni. Omo vanashwana laja lifuti lije lyanavana Shukulu Kalunga Njambi yeni, asinoni mukeluka nakutunga muno mu lifuti lyeni mu ngangela ya Yondau, eli lyamyanene Mosesa ngamba ya Shukulu Kalunga.”

Yoshwa 1:2

“Ngamba yange Mosesa natsi, ngecivene, ololo livwaese, katuka yove na vanu va Isalele voshe, ngeci mujavuke Ndonga ya Yondau muye mu lifuti lije linjikavana.

Yoshwa 12:6

Vimyene ava vavali wavafungulwile Mosesa na vanu va Isalele. Mosesa ngamba ya Shukulu Kalunga waanene lifuti lyavo ku miyati ya Luvena na Ngande na litambelo lya muyati wa Manase, kupwa vushwana vwavo.

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.